「跟團遊歐洲」 (歐洲深度遊)

2024年8月16日星期五

去咗中山逛下

近日上咗去中山逛下，今次只係由“中港碼頭“乘搭船上去，並不是行近日熱爆嘅“深中通道“，船程一個半鐘，好快到中山港碼頭。

今次只有我地包車，由一個導遊加司機，用專屬7人車，我哋去景點較方便。導遊揸車喺碼頭接咗我哋之後，就去景點逛下，首先就去［中山博物新館］，太多遊人太塞車，半小時車程，用咗一小時，內地天氣熱爆成 40°C，實在太熱，景點又太人加上放暑假嘅小朋友塞爆，只係入去逛咗一陣就走咗。

跟住就返酒店嘆下午茶，今次入住萬豪集團旗下，中山艾美酒店，主要抖下食少少嘢 ，原本訂咗三點半下午茶，但太塞車，搞到四點半先到。