「跟團遊歐洲」 (歐洲深度遊): 生活小閒

顯示具有 生活小閒 標籤的文章。顯示所有文章

2021年8月14日星期六

意大利五漁村為背景的動畫《盛夏友晴天》這部充滿青春、歷險及友誼的夏日動畫

介紹一部動畫《盛夏友晴天》迪士尼與彼思全新原創動畫《盛夏友晴天》（Luca）融合奇妙的海獸世界，以及意大利小鎮風光，而少年的追夢歷險刺激搞笑，真摯的友誼最是動人。

導演Enrico Casarosa在意大利成長的經歷， 以“世遣“的熱拿亞五漁村為背景的動畫啟發，他創作出《盛夏友晴天》

我當年意大利深度遊曾到此一遊，現在仍印象深刻，睇動畫又可以回憶開心時刻

這部動畫製作班底精英雲集，當中來自香港的林敬雄（Patrick）就為本片擔任攝影構圖指導。加入彼思24年的他接受專訪時就坦言，這個有關夢想和友情的故事勾起他不少那些年的回憶。

2021年7月27日星期二

恭賀...中國香港第一面奧運金牌、兩面銀牌、一面銅牌....不斷更新

恭賀

中國香港 花劍隊代表 張家朗

排除萬難，勇奪得2020東京奧運會...花劍 金牌

2021年7月23日星期五

最近四圍好多媒體的熱話是移民

唔好講政治......

最近四圍好多媒體的熱話是［移民］，連去買花個老闆娘都咁問我有無BNO，當然移民哩啲係個人選擇，但我自己從來冇咁諗過，唔好講政治，香港真是我家，諗唔出咩原因，我要離開這個家，去下旅行可以；最記得當時，見識到啲鬼佬海關咀臉，丟哂我地啲行李落地下，要我地自己執番，就知道乜料喇，見到啲鬼鬼自己友就笑哂口.....

訪問好多人都話為咗仔女將來教育好的，喺咪真呢？現實好多家庭唔使移民，子女都可以去外國留學。

睇完方東昇嘅尋人記嗰集…移民，憶起8~90年代，有好多親朋戚友移民，嗰陣時嘅原因大多都係為咗話改善生活，嗰時香港生活又唔好差喎，但係轉個頭全部返曬嚟香港，移民唔係佢想到咁簡單，最近有啲人連個處地方都冇去過，賣曬所有家當，只考慮咗好短時間就移民去，訪問佢地有乜打算，答案居然喺過到去先算.....，唔掂咪返香港，咁都晤知為乜。

就以標題嘅曼徹斯特最熱門地方，我有親友廿幾年前以居英權移民過咗去，其實嗰度係一個工業城市，商場及娛樂唔多，佢話冬天又凍又濕，英國稅重物價高，佢地廿年從來都無適應到，英國脫歐加上疫情經濟差咗好多，仔女離開去咗歐洲工作生活，好彩前年佢地賣哂英國所有家當，回流了香港。

同學有啲錢，就移民去咗加拿大溫哥華，果度生活唔錯，好快適應咗，佢做回本行金融行工作，專幫客戶買賣港股，近年發到……，細屋搬大屋，超哂命。

我唔喺叫佢地唔好去，唔關我事，我都喺食花生，八卦下啫。

2021年7月15日星期四

近日香港熱話

香港繼接種疫苗大抽獎，近日最hit除咗接種疫苗，每日有7萬幾人接種破記錄外，就喺每名成年市民都有HK$5,000消費卷，兩年之前移咗民就無喇，唔同上次派一萬蚊，只要有三粒星身分證，唔理你是否已移居海外，這令好多人反影不滿，香港政府為咁，研究取消持身分證的海外港人各種政治及社保權利云云。

7月17日前登記，就可以在8月1日有第一期HK$3,000，我就登記咗，直到噚日有五百幾萬已登記，佔合資格的市民75%，真爆....，之前啲人又話驚無私隱，依家咪死死地氣登記...

所有消費卷已實名登記的四種電子支付工具發放，支付寶香港、微訊支付、拍住賞、八達通，各展不同優惠獎賞搶客，各種都有好處方便，自己用開乜嘢支付工具就用個款，而只有八達通一款，唔使用智能電話加App，至方便長者。

我自己就揀咗支付寶，為方便顧客，市面真喺多咗各大小商戶已加裝各種接收器，九巴、地鐵都可用，我都覺得方便咗，為咗推動經濟政府今次用盡方法，各有所得，齊齊消費。

2021年6月27日星期日

日本足利花卉公園

疫情結束之後，

可以出外旅行，

我最想去的，就是這個日本足利花卉公園（Ashikaga Flower Park）著名紫藤花

第12屆足利花卉公園Instagram攝影大賽

這是獲獎作品的公告！

2021年6月4日星期五

令人非常感動的 TVB 新聞資訊節目....(尋人記)

早前最令香港人觸動的電視節目，唔喺班𡃁仔

而喺 TVB 新聞資訊專題節目....(尋人記)Big Big Old World）資訊節目，於2021年4月5日至4月16日於翡翠台播映，共10集。呢個節目好值得再次欣賞尋找返三四十年前上過，星期日檔案的人物，而家嘅生活情況，每個個案方東昇團隊，花咗三四個月去尋找，結果有喜有悲。

其中最令人感動個案，這位前校長，佢全家人移民去美國，而她同家人相討多時，全家人十多人都唔願意帶埋妹妹一起移民，放棄照顧哩位弱智妹妹，佢一個人放棄移民，留低照顧她的弱智妹妹，已三十多年…… 不離不棄，令人敬佩，播出後全城感動。

7～80年代，一位十一歲大家姐獨個兒照顧兩個年幼弟妹，代父母煮飯帶放學教導弟妹，係當年典型嘅屋邨社會情況，尋找個案時，方東昇發覺佢地嘅駐台灣記者同事，竟然係佢的鄰居朋友，現在大家姐而有美好家庭，弟妹已成長，最搞笑係方東昇話希望30年後再訪問佢仔仔，但佢個仔話30年後，希望由佢訪問番方東昇，感動個案。