「跟團遊歐洲」 (歐洲深度遊)

2018年1月1日星期一

鐵幕紅塲闊無彊...但生死有命，唔驚得咁多。"俄羅斯" (跟團去旅行)

我按時間早上八點到咗香港機場集合，乘搭嘅航班係“俄羅斯航空”上午11點，直飛莫斯科，我最怕轉機，而尊貴旅行團就一定坐其他航班，需要轉機；好多人驚坐俄航，話失事率高，但生死有命，唔驚得咁多。

由於莫斯科同香港時差5小時，所以8小時航程，會喺同日下午到達莫斯科，領隊 billy 安排我哋 check-in並提醒各位團友莫斯科入境要注意的地方，跟住各自進入禁區，佢喺登機閘囗等我地，佢都好交帶，又有禮貌，服務態度真喺唔錯....。

航機喺全新的波音-777型客機，設備非常貼心，有USB充電、遊樂器...

坐我的隔離嘅俄羅斯肥佬

航機餐食好好，啱哂口味....

話咁快......下午4點〈莫斯科時間〉安全到達，...莫斯科國際機場，之前好多俄航嘅負評，但今次完全無問題，航機喺全新的波音-777型客機，座位寬鬆，除了坐我的鄰座嘅肥佬﹝前篇有講﹞，空姐又靚又服務態度好，航餐食物出奇地好味，令我對俄航印象好正面。

好正機場有Free Wifi.....大家立刻變低頭族

但喺辨入境手續超慢，見識到鐵幕之下，入境女官員黑口黑面，令人討厭，不過領隊已幫我地填好入境表格，喺櫃位前協助所有團友過境，由於我地特區護照喺免簽，所以手續較國內遊客快手，但提醒我地喺護照上夾有一張入境單，一定耍保存好，唔係出境就麻煩...。

用咗一個鐘頭.....終於全團45人順利入境，行李亦全部完好到埗，領隊話已經喺算快架喇。
不知何故....國際線航樓設備較落後，而國內線航樓就簇新先進，稍後飛聖彼得堡就可以介紹下。

莫斯科國際機場往市區的鐵路

鐵路亦設有自助購票機，接受現金(盧布)、信用咭...十分便捷

莫斯科的導遊廿多歲的 Paul 已在禁區外等候我們，他大學外語系畢業，主修中文，所以能操流利普通話的，主動熱情好有禮貌，完全不是想象中俄羅斯人的冷漠，稍後再介紹下他

莫斯科國際機場....

莫斯科國際機場外，發生一個小插曲.....

話說Paul 帶领..全團45人出去停車場上旅遊巴士，我在全團最後面，途中一個穿制服的人跟往我地，佢上前似用俄文同我講嘢，但我唔知佢講乜，我叫領隊Billy招呼佢，見Billy用英語話我地喺香港旅行團，講咗一陣，呀Paul見狀立刻上前，同佢用俄文溝通咗，之後佢無癮走開，Billy話個警察想抓錢啫....。

我地離開機場，
已經係下晝五點半，第一個景點喺去食晚飯車程都成大半個鐘。

大半個鐘後到達一個花園洋房，原全睇唔出係中菜餐廳，我睇番跟四叔旅行團blog友們，都喺哩間食晚餐。

billy安排好大家坐定定，但值得一讚，俄羅斯 Free Wifi 無處不在，而且速度都幾好，唔會龜速..

內裡似西餐廳裝璜，大大張枱放咗八餸一湯，白飯任裝，在外地吃中菜，雞粒、魚塊、蕃茄蛋、及蛋花湯，飽吃之後，大滿足

大滿足之後回酒店...

夏季到歐洲旅行真係超正，已是晚上八點，但仲係日頭白白。

沿路四圍睇下，鐵幕...的神秘國度

晚上八點幾到達酒店

今晚入住酒店市中心的......Radisson Slavyanskaya Hotel....

鄰近基輔地鐵站五分鐘就

又有大型購物中心，內有西歐大品牌Zara 、H&M，價錢同香港相約，

仲超市...真喺好方便。

酒店內部都唔錯，哩間住三晚

入住酒店第一件事喺....安排兌換盧布，我換住100蚊美金先喇，有成四千盧布..市面可以使用信用咭....

祝大家...

2018新的一年

事事順意

身體健康

2017年12月24日星期日

鐵幕紅塲闊無彊..."俄羅斯" 日與夜 (跟團去旅行)

昨天回來了！
哈哈.........可能無乜人理會關注喇，
今次旅程開心愉快的完結。

跳開土耳其之旅，同大家搶先簡報下...

首先鳴謝！
香港領導..Billy (盡心盡力的一位初為人父的新手爸爸)、
莫斯科 導遊 俄羅斯籍 ...Paul(年輕靚仔)、
聖彼得堡 俄羅斯籍...吳明(人氣豪邁)、 俄羅斯籍安娜(超模靚女)、另一位俄羅斯籍安娜(靚媽)

同埋哩 45位友善的團友，旅程中大家互相幫助，好似朋友交流分享。

喺酒店新聞見歐洲各地水災嚴重，真喺感恩..天公造美，只有一兩日有少少陰天，行程順利....。
日頭好長晨早4時日出，晚上10時才黑齊，所以由9點出發參觀及睇表演晚上10點幾才回酒店，有一晚仲搞到11點幾，每日真喺好攰！

今日匯率真喺低 HK $1-----RU $12，
3年幾前喺 HK$1-----RU $6，已下跌 100%，遊客開心，普羅大眾市民生活無乜大變，
有錢人就大縮水。
實在忍不了手，購買了大量手信紀念品。
全部手信只喺約RU24,000----HK$2,800

俄羅斯手信中真喺，套娃的世界...

手信紀念品中至貴的，喺前置中央一套，聖彼得皇家瓷器廠生產的茶杯 RU4,400

在俄羅斯的旅程 8天中，我真喺對俄羅斯社會民生有深少少認識，亦對改觀俄羅斯人改觀，佢地真喺有開心笑容架，亦肯助人！

去程航班上汽水唔夠凍同空少講要加冰，佢搞笑話要加10蚊，俄羅斯人都識港茶記凍飲要加錢，真喺深入遊客心。

下圖位哥哥喺我去程航班上坐我隔離，我估佢有250~350磅，6呎高，已佔滿一個座位未夠，我亦讓出四分一座位，佢大半時間瞓覺，其餘時間同我吹下水同理勁飲酒，我估佢全程機飲了三枝白酒，但佢無乜異樣好正常，佢知我去莫斯科、聖彼得堡旅行，佢諗咗十分鐘寫咗兩地必去景點俾我，有俄文英文對照，仲用機上航班雜誌內的景點相片指俾我睇，真窩心！

初初見文字咁長，我小心眼以為佢寫投訴信，令我改觀。

其他見聞，待土耳其之旅後上載...

有團友亦想睇下我blog 由於 google 系統無法上存舊 Yahoo bolg的相片
若相再重溫我的舊 blog ，可以到我封存了的

哈哈....等咗咁耐，今個星期終於開始上載喇...
希望大家留意下....

" Yahoo 舊網誌"

PS:若今次團友們，可以e-mail diycfcase@yahoo.com.hk 與我聯絡

2017年12月23日星期六

鐵幕紅塲闊無彊...探索"俄羅斯" (跟團去旅行)

紅塲

土耳其之旅暫時放下
期待咗好耐嘅俄羅斯旅行，即將出發啦！
下星期三(25日)早上乘搭俄羅斯航空，直航莫斯科，

我今次亦喺一向的團遊，自從去完土耳其之後，已計畫前往俄羅斯，
紅塲、克里姆林宮、聖巴素教堂、金環古城、地下鐵車站、世界四大博物館之一隱士盧博物館、嘉芙蓮宮....好多好多景點都想去睇下。
睇咗TVB 的 "四個小生去旅行---俄羅斯"是引發點，

由於冬季的俄羅斯實在太凍(零下廿多度)，所以一反我以往習慣，
改在五月尾出發，俄羅斯踏入春夏季，氣溫回升到約十多度，起碼可以舒服的。

聖巴素教堂

俄羅斯旅行團遊，第一個問題喺行程，第二個喺跟邊間？
經過一輪網路資料搜集，發覺所有辦俄羅斯的旅行社，
行程幾乎一樣 (除了些高價團稍有不同)，
情況同上次土耳其團遊相同，
分別只有天數不同，有八天和九天兩種。
睇睇網友們的blog，大多推介四叔個間旅行社，
細看之下....

四叔個間俄羅斯旅行團的確幾抵，
加上網友小妹 Agnes Ngan 的blog，見介紹的行程都OK，
而行程景點各間大致相同，但團入面內包嘅活動，四叔個間都幾多。
再睇番去開個幾間，嘩....其中一間團費貴到唔喺我的層次，
另一間又要轉機搞一輪，無咗兩日行程。
左思右想，決定...就哩間喇。

三個月初報咗團，已經話成咗團，咁多人報咗團，半信半疑，即管睇下點...。

地下鐵車站

聖彼得堡......世界四大博物館之一隱士盧博物館、嘉芙蓮宮....

聖彼得堡......滴血教堂

喺網路上發現所有對俄羅斯航空餐食都喺負評，到時再親嘗一下！
在電台旅遊節目聽到嘉賓話俄羅斯人好少笑，態度冷漠，
北寒之地和民旅性有關，俄羅斯人有一句...
"如果見到俄羅斯人笑，一喺佢傻嘅，如果唔喺，就喺佢笑你傻"

上下網睇下想，想買本書揾資料睇睇下，發覺完來坊間連鎖書局的俄羅斯旅遊書，真的少之又少，只有一兩本，最後去了台灣過江龍書局睇下，果然有台灣翻譯日本bolgger出嘅書，幾得意，講各大景點有乜特式手信，好詳細，真窩心。

好詳細圖文並戍，內裡介紹有好多特別手信。

三星期前收到旅行社通知，真喺成團，要去交尾數，
前日開旅行茶會，團遊例行只定動作，
資料及旅行注意事項，下晝兩點半，大家都番返工，
但奇怪見咁多人嚟開茶會，成廿幾多人，
職員講講原來話哩團成45人，嘩...人都癲，自從04年去歐洲團試過咁貴多人，
好耐都未試過，經驗話我知...一定煩，既然如此，處之泰然！

茶會全部出席團友都喺長者，職員又提下，香港和內地同胞好怪習慣，
食餐前用熱水洗筷子餐具，俄國侍應生好唔like，唔乾淨可以換，唔好洗，好無禮貌！
而且熱水喺飲，唔喺咁用...