.俄羅斯馬戲團獲獎無數，真喺名不虛傳，好滿足呀！鐵幕紅塲闊無彊 (跟團去旅行)

哈哈..啱啱過咗端午節，今日突然大暴雨，氣溫只有25℃，降咗成7℃，無咁熱舒服哂！

近嚟見到啲好耐無見嘅網友，又再打blog，上網追睇blog友網誌，

唔好失聯咁就好....，好似講緊自己咁喎，嘻..........

世界盃我無睇，一向唔喺咁like睇足球，但留意到俄羅斯旗開得勝，贏咗沙地阿拉伯，普京開心到爆，一齊睇嘅沙地阿拉伯王子，黑哂面...。

又講番個俄羅斯之旅先喇，參觀完克里姆林宮、紅場、又逛咗莫斯科“金”百貨，我記得 TVB“四個少生去俄羅斯”，謝老四....佢地，都有行過咁上下行程，不過佢地住紅場附近五星級“四季酒店”，豪好多。

我地幾早呀，下晝5點幾去食晚飯，又喺“至愛”中菜，快靚正，因為今晚7點要去睇重點節目，著名...俄羅斯馬戲團，莫斯科有幾個馬戲團表演地方，我地去喺至“老”嗰個，但喺市中心，至方便，另一個新啲大啲喺市郊，我無睇過，無得比較，邊個好睇啲。

未夠6點食完晚飯，但個天仲喺好似晏晝3點，大家等旅遊巴士，又仲可以用餐廳 Free WiFi上網，莫斯科真喺好，四圍都有Free WiFi。

到咗俄羅斯馬戲團外面，已經見好多旅行團及俄羅斯當地觀眾等入場，有唔少內地朋友，好有親切感。

入場前要驗票，又要例行安檢，我地都習已為常。

有拍照位，老虎、狗狗呀...
真喺無試過無籠無欄咁近睇老虎，佢毛色好靚，好壯健，應該喺後生仔，但老虎大哥無神無氣，玩得健身多呀，好攰咁喎！
當然要收費，唔記得幾錢。

見有張小丑相，導遊話佢喺馬戲團內最受的人物，但已過世。

好彩早到咗，之後好多人塞爆啲通道。導遊Paul帶我地入座，並提醒裡面不拍攝，，職員好嚴格無面俾架，後來見識到...

場內好大，我地個團太多人，分咗三個區域坐，都喺同等票價，但我坐嘅位置差啲，近山頂...！

俄羅斯馬戲團場刋，好靚...當然要錢買喇，十幾蚊啫，留為紀念都好。
仲有影個相喇。

見有好多G4保鏢，圍住幾個大粒佬(唔知乜水)，唔俾觀眾行近。

開始喇....狗狗打頭陣，

小丑同埋靚靚俄妹舞蹈員，影影下....職員大嬸用電筒，睇啲拍照觀眾，唔喺我，我奇怪...佢地咁醒嘅，後來才知，相機用紅外線對焦，一拍照會著紅燈呀！網上

網上

話咁快兩個鐘節目睇完喇...好精彩呀
大家睇唔到架，因為我好乖，無拍照呀....嘻嘻！

我最like喺大象表演個part，十幾隻大象一齊玩好壯觀，
有扮演東方印度舞者，上面紅色衫舞者，前面個位喺....馴獸師
再串聯一個神話故事，俄妹啲衫好靚，下面金黃色。

上面黑色禮服喺魔術師，
表演喺精彩，但大衛高柏菲我都睇過，佢變咗無咁深刻。

好深刻就喺上面哩位俄妹，佢玩空中絲帶雜技舞蹈，高難度鞦韆動作，如果有睇過喺澳門“太陽雜技團”就知。

仲有喺空中飛人呀
上面穿運動服個幾位，高空快速動作好驚心動魄，到位好準好正呀！
俄羅斯馬戲團獲獎無數，真喺名不虛傳，好滿足呀

 散場先知真場面虛陷

好攰呀
由朝玩到黑
今日喺莫斯科最後一日行程，
明天早上飛去另一大城市...聖彼得堡，仲精彩絕倫就喺哩度喇
同靚仔莫斯科導遊Paul再見喇！

又喺超級打咭影相位......鐵幕紅塲闊無彊 (跟團去旅行)

哈哈...而哩個月天氣熱到暈低，日日三十幾度，

無乜胃口，唔想食嘢，女仕們減肥瘦身，就正呀！

近月真喺好忙，忙到打blog上網追睇blog友網誌都少之又少，

好似失聯咁....，

最近先知道，以前“西葡之旅”的一位年輕女團友，現在做咗“裁判官主任”，而同團的另一位團友，原來喺上一任“香港醫學會”主席，真喺高手在民間。

唔好再講廢話，繼續莫斯科之行程

遊逛完克里姆林宮，由則門離開之後，就出到去
就見到聞名天下之“紅場（俄語：Кра́сная пло́щадь”(世界文化遣產)

“紅場”之名是因為俄文字「Красная」能意指「紅的」或「美麗的」。此字原來表示「美麗的」，而克里姆林宮圍牆是紅色，所以被人誤會喺指紅色。

“紅場”當然又喺影相位....，我地有兩小時自由活動時間，可以逛下“紅場”附近，或者去“金百貨商場”（俄語：Главный Универсальный Магазин），逛下及飲下午荼。

“紅場”隔離喺“列寧墓（俄語：Мавзоле́й Ле́нина）”，
因為已過咗開放時間，星期二至四、六、日(10:00~13:00)，
我地無得入去睇呀。

聖巴素大教堂，又喺超級打咭影相位，彩色入洋蔥頭外觀真喺好靚，但入面好細好普通，唔似西歐天主教堂咁宏大。
教堂雖唔大，但喺一個地基上集合了九間禮堂，都好有特式。(世界文化遣產)

 “紅場”西側盡頭喺“國家歷史博物館”無入去睇呀。

回望宏大寬闊的“紅場”，除咗閱兵軍操之外，依家夏日主要喺做音樂會，民生活動。

當日又見活動搭建臨時棚架，據聞又開演奏會。

我地全團去咗紅場旁的“古姆國立百貨公司”（俄語：Главный Универсальный Магазин），   在2004年一家名為"Bosco di Ciliegi”的俄羅斯公司以一億美金的價格收購了“古姆”該商場已改稱“金百貨商場”。

“金百貨商場”哩度超多不同國藉的遊客，除了好多嘢賣之外，仲喺內裡裝修好靚，至重要喺有冷氣，夏天真喺至正。

商場中的噴水池樓中間的噴水池是莫斯科人最喜歡的約會場所，只要說在“噴水池邊見”，一般大家都不會認錯地方。

 夏天至受歡迎的食品...雪糕、凍飲

哩度以前喺一條商店街，後來重建成依家啲華麗奢侈的商場模樣。

 隔離喺“紅場”另一入口“耶穌復活門”。

耶穌復活門旁喺“喀山教堂”，喺紀念俄羅斯擊退波蘭而建，原本的一座喺革命時破壞，依家哩座喺1993年原址重建的。

 出咗“耶穌復活門”就正式離開“紅場”範圍

 “耶穌復活門”出口地上有一塊“俄羅斯”動物圖像。

 “國家歷史博物館”正門