浮繁江南 華東五天....團隨着航班起飛，華東五天之旅開心結朿啦！

瞓咗一晚，由於太夜無睇過酒店出面，好快天光，

原來窗線咁樣，由於我們今晚....夜機走，上午無乜行程，

到酒店附近外逛一逛
好寧靜悠閒，天氣又好，心情靚靚...

 哩度喺上海市郊，仲有少少農田，秋稻...就快收成呀！

 喺上海市郊返市中心，吃午飯...，
喺上海最後的團餐有醋溜煮魚片、薰鴨、乾煸四季豆、炒肉絲、煮什菰、酸辣土豆絲、紅燒豆腐、回鍋肉、蒸水蛋、白菜...

 吃飽就去行程列明的最後兩個購物點，全團行程有五個購物點，
有寫埋逗留時間，真搞笑...呀，大家唔使爭拗。
領隊講明無強迫消費，
哩個唔喺黑店，有購物保障，貨品有問題，
旅行社承擔退款保證...云云。

首先去藥店，原來好多團友話去過，
話哩啲喺連鎖店，北京、西安、成都....亦有分店，
有所為中醫駐診，亦有免費推拿....

啲醫師見我地香港團，都無乜心機，睇一睇無把脈就話團友姐姐好病，要服半年藥，買四萬蚊人仔，笑死呀姐，呀姐應酬下，買咗三百蚊人仔大補藥品，其他無人有興趣，原本話逗留四十分鐘，玩咗廿分鐘領隊話走人。

跟住去玉石店，之前團友嚟過話喺靚女介紹，
後來走咗個廿歲肥仔介紹分別真假玉石，大家幾失望，
佢幾搞笑，大家當睇下show，後來佢話自己喺太子仔....

 佢好似背稿咁......十分鐘講哂，大家無乜心機聽佢講，又無嘢問佢，佢叫我地坐夠廿分鐘先出去，如果唔喺佢喺職員面前....好無面，大家爆笑，咁老實...

有個呀叔叔專程嚟哩度買玉牌，
佢買咗哩塊玉石...原價萬幾人仔，
太子仔劈價三千八人仔兩塊...........
大豐收....店舖及團友！

其實哩個購物點只逗留一個鐘，購物都喺要講氣氛，團友左揀右揀，搞咗成個幾兩個鐘，要導遊、領隊摧促....要走喇，依家成四點幾鐘。

因為要趕去機場，今晚八點半機，五點半要到機場！

好彩無塞車，順利到達浦東國際機場，喺港龍 check-in後，

喺KFC食少少嘢，哩個套餐三十蚊人仔，幾抵架。

航機八點半準時起飛，

隨着航班起飛，華東五天之旅開心結朿啦！

最後彩蛋
臨降落香港國際機場上空之前離遠，見到海上有一艘好光亮嘅船，原來喺仲未開通喺港珠澳大橋人工島，晚上真喺好靚呀！

浮繁江南 華東五天團...上海黃埔灘夜景

祝大家

冬至....團團圓圓

愉快歡渡

真喺話咁快就一年喇！！

 離開..朱家角水鄉...就上高速公路直前往上海市，

依家內地高速公路相連各大城市，快速超方便呀。

冇塞車順利一個半小時，到了今次行程，重中之重景點.......城隍廟、豫園

導遊小慧帶我地入到豫園中心區，約好集合時間，各自活動！

同三十年前相比，的確整頓規範好多，

又不失古雅氣氛。

唔怪得旅行社按排夜晚到訪，
我之前白天嚟過，人又多，晚上少咗好多人，影張靚相都得。

全個....豫園......剛剛翻新完成，
燈映盛況下，簡直金碧輝煌....靚過白天好多。

湖心亭荼室，導遊小慧明言...哩度“劏”遊客架，
千期唔好入去哩度飲茶，一杯龍井要五十蚊人....好狠

今晚食自已，小籠包一定要食喇，
世界著名店.....南翔饅頭店，英女至伊麗莎白二世，當年到訪上海，亦有在此店試食，佢地近年開嘅香港店，我去食過多次，

嚟到上海就一定要去試食下，八隻標準size....廿五蚊人仔
小籠包味道一樣，但嗰啲皮喺仲厚，入面湯汁少，果然喺與香港店唔曰同
唔怪得導遊小慧話，個名氣大過實際。

出去街邊檔再食，味道都唔錯，皮較薄餡肉多湯汁，
十隻標準size....廿蚊人仔，大size.....五隻都喺廿蚊人仔
我兩個人一共食咗廿幾隻

但要再去導遊小慧介紹嘅.....寧波湯糰

寧波湯糰，咸、甜都有架，

咸嘅....寧波湯糰....用上肉餡，
我第一次食咋，
軟糯好味，六大粒.......十八蚊人仔。

甜嘅....寧波湯糰....用上芝麻餡，好飽
好滿足.....
逛了兩個鐘到集合時間，立即去黃埔外灘欣賞著名夜景

由城隍廟.....行咗十幾分鐘，就到黃埔外灘
今晚無霧，夜空好清
影夜景相一流。

似我地尖東海旁，外灘修建一條高架行人天橋，
但由頭到尾共十公里，行全程要兩小時，我地當然唔會咁搞

黃埔江

黃埔江

上海世貿中心

黃埔江上的遊覽船

南浦大橋

影咗半小時，江邊又大風，耆老團友難捱，喺回酒店時候了。