急不及待要和大家分享旅程的所見，
這次土耳其 實在太開心喇，
遇上好好的領隊、司機、當地導遊，
仲有是當地人友善好客，
全個行程好順利，天氣都算唔錯，
只是兩日有少少雨，大部份時間氣溫9~17℃，
我從來對土耳其無概念，
聽blog友的經歷都是多年前的，
我以為土耳其食物味道難以接受，
原來好好味、好合我口胃，由其是土耳其白飯，用橄欖油、少少香料，
似雞油飯的食味，烤餅、沙律、烤肉和魚、土耳其茶、果仁、無花果、甜品........太多太多，超好味，正如blog友Li J
所言真是超多美味食品、除了水煙我不吸外，差不多都有嘗試。
另外要一提是土耳其當地物價，相對我們香港真是平得多，
可能美元強勢，我只兌換了US$400約等值932里拉，大約1里拉等於HK$3.3
以夠我全程8天使費，用來購買大量手信，吃小食、飲土耳其茶，咖啡、上洗手間。
例如：市面一杯土耳其茶是0.75~1.5里拉，
五星級酒店亦只是 4里拉，仲可睇肚皮舞.....
可能我只在土耳其中、西部，見不到新聞的軍事政治緊張氣氛，社會和平繁榮，伊斯坦布爾夜市是開到零晨，治安好好，不用擔心，大家可能覺得伊斯蘭教好嚴肅保守，
但在土耳其見到伊斯蘭教徒是輕鬆自如，而大城市女性衣著亦是緊貼潮流，蒙面更是罕有。大家可能萬萬想不同 韓流K-pop，也是不少土耳其年輕少女所喜愛 ，原來K-pop韓星亦有在伊斯坦布爾開show。
今次旅遊大開眼界，對土耳其大為改觀，
待我上載完西葡之旅後再同大家詳盡分享.....
