「跟團遊歐洲」 (歐洲深度遊)

2018年9月11日星期二

每年票選全球最醜陋嘅雕像都榜上有名。鐵幕紅塲闊無彊 (跟團去旅行)

之前莫斯科行程漏咗介紹，

哩座“彼得大帝紀念雕像” 係莫斯科運河上面，

係俄羅斯藝術學院主席“茨里得里”最驚世之作，雕像高56公尺總共建造費11億盧布。

我地從嘅遙遠對岸望過去，見到雕像高聳入雲嘅身型，佢自從1997年建成後，每年票選全球最醜陋嘅雕像都榜上有名。

據說上面原本喺...用發現美洲大陸“哥倫布”作為主題，

但結果美國、西班牙、拉丁美洲都找不到人願意接受呢個雕像，只有將頭像，修改成為“聖彼得大帝”，作為俄羅斯海軍，三百週年嘅生日禮物。

企喺帆船上嘅巨大彼得大帝雕像，係佢手上揮舞著主紙卷軸，象徵擴張領土建設都市嘅雄心壯志。

莫斯科巿長一直想將佢送去聖彼得堡，但實在太巨大啦，根本無可能移動，而聖彼得堡亦都唔肯接受，咁而家成為莫斯科景點。

“彼得大帝紀念雕像” 旁俄羅斯名物...大頭娃娃朱古力生產廠房，「大頭娃娃」在俄羅斯本土品牌的銷量榜上位列前三。此朱古旺力品牌為《Красный октябрь》（中譯《紅色十月》），成立於1889年。

哩個品牌取名自俄國十月革命後，品牌已悠久歷史，高品質產品及精緻獨有的大頭娃娃樣，而聞名海內外。

穿越時空..........又去番聖彼得堡喇...

遊逛“嘉芙蓮宮”(Екатерина II Алексеевна)之後，

日頭白白已經喺七點，去食晚飯喇，

又喺八餸一湯白飯任裝....中餐，

其實喺“俄羅斯之旅“

成日都只喺去一間連鎖中菜料理店...叫“唐人中菜餐廳”，好似「香港稻香」

我地喺莫斯科和聖彼得堡，其中五餐中菜.....都全部喺哩間，

佢質素唔錯，味道大致對辦

睇旅遊書介紹，

捷克製俄羅斯風味嘅啤酒( Velkopopovecky Kozel)，

哩度有喎...咪試下先，吳明佢話好出名，佢喺未過濾嘅啤酒，味道似....啤酒＋豉油＋可樂汽水，“好好味架”...嘻嘻，

試過你就知...死，價錢都好平十幾蚊一支，算啦。

食飽飽跟住返酒店啦日光日白其實已經係七點幾八點今晚入住

聖彼得堡 holiday Inn。離市中都幾遠，車程都要半小時，附近無商場架，相比莫斯科個間酒店，哩閒位置都差啲。

但呢間酒店房間設備都唔錯，話哂國際連鎖集團麻。

除咗我哋一個香港團，仲有三團中國內地團， 兩團馬來西亞團。

酒店出面喺住宅區，好幽靜。

晚上八點.....咁早，團友約埋出去逛下。
酒店前面喺地鐵站，都幾方便。

酒店附近有個景點聖彼得堡凱旋門，

正名喺....納爾瓦大門，又稱為納爾瓦凱旋門，位於聖彼得堡基洛夫區。

是為了紀念1814 年，俄羅斯軍隊戰勝拿破崙軍隊的紀念碑。

巴士站牌

2018年9月7日星期五

「飛燕」世紀超級颱風襲關西，北海道大地震

「飛燕」世紀超級颱風加上天文大潮，正面吹襲關西，
令大阪關西受災嚴峻，關西機場全水浸亦要關閉，通往機場島唯一鐵路天橋亦被撞毁，幾千人被困孤島，當中有大陸、港、台、澳共千人被困，「中國領使館」派出十多部巴士，將徬徨的國民撤離到大阪市的安全地方。

再到北海道被「飛燕」吹襲後一日，以有山泥傾瀉，再遇上6.7級大地震，令全區大停電停水，道路被破壞，新千歲機場亦要關閉，
有朋友遇到正，話喺床上面震到醒，以為撞「嘢」，清醒少少先知喺地震....嚇死，酒店職員協助疏散出去避難，好多港人聽得多地震，真喺自己遇上驚心動魄，導遊安慰下佢地話，之後行程會繼續，可能會變少少，佢星期一先番，機場會開番，旅行團機位一定無問題，一早確認哂！

天災意外真喺無法避免，哩次日本南、北同時受災真喺少有，同一時間兩個國際機場關開亦罕有，最受影響就喺自由行旅客，酒店停開，又要去避難所，超市、便利店貨品全沽清，自身飲食亦要張羅，

新聞見香港自由行旅客，回港機位無望，其他機場亦無機位，但在網上重訂機位，當然不能再用廉航，一票難求，直航要兩萬幾蚊，唔使諗喇，
轉機嘅機票亦要幾千蚊，真喺食硬你。

「中國領使館」喺大阪關西機場撒僑事件，

當日滯留機場嘅台灣人提到，打電話去揾佢哋政府代表幫忙，但佢哋政府代表叫佢地自己想辦法，後來佢哋知道中國領事館有專車嚟接中國人，知道佢哋可以一齊走，咪排隊等上車。
台灣一啲有機心之人，在網上散播流言，指台灣人要確認自己喺中國人身份，先可上巴士撤離，....大家明喇，攞明指「中國使館」喺承人之危，包藏禍心 ，到此時，當日有上巴士撤離的台灣人，在網上證實並無此事，使館職員只是在車上詢問各人來自何處以作紀錄，我唔係抱住任何政治立場，只是抱不平，其實「中國領使館﹞一番好意，但好事都可以被人用歪理陷害。