聖彼得堡 涅瓦河畔 鐵幕紅塲闊無彊 (跟團去旅行 )

近日香港天氣又唔喺咁好，影响咗少少心情

又忙住搵食，少咗上載到blog，同大家分享......

依家無咁忙，希望可以快啲完成埋「俄羅斯之旅」

又講番我羅斯旅程 

參觀彼得保羅要塞教堂完畢後，我地離開彼得保羅教堂要塞前，經過涅瓦河畔

涅瓦河畔有好多人進行日光浴，相信哩啲係夏日聖彼得堡市民最佳的活動。

要塞外的涅瓦河是無泳場設施，市民自動波在牆上加掛衣扣以方便更衣。

彼得要塞外面的涅瓦河畔海邊有個小沙灘，見市民進行堆沙比賽。

回到聖彼得堡市區附近的一間中菜連鎖店用午饍，這間叫

"唐人中菜餐廳"( Tan Zhen)

這店原來喺聖彼得堡中菜排行榜.....排第三，唔怪得菜式似模似樣。

今日又喺標準團餐"八餸一湯"白飯任裝，菜式如下...
蘿蔔炆牛腩、銀芽炒肉絲、乾扁四季頭、甜酸魚柳、炆元蹄、蛋花香菌湯...
我試吃後覺得款式對辦，而且幾好味架。

導遊介紹我飲....俄羅斯好流行嘅捷克啤酒，
但覺得味道好古怪...似豉油味，酒味又唔重，俄羅斯人口味...

午餐後

去附近景點....涅瓦河畔逛下

主要是要等時間，去下一個聖彼得堡的重要景點

哩個涅瓦河上著名景點

聖彼得堡的亞歷山大·涅夫斯基橋(開合橋)

亞歷山大·涅夫斯基橋夜景(網上照)
我地都想去睇下開合情景，後來導遊話...由於喺現時喺六月天，
日長夜短，夜景要喺晚上11點後先至見到，算把喇

涅瓦河畔有兩座紅色大柱

涅瓦河畔有座紅色大柱，
就喺在1810年興建的「羅斯特拉」柱

羅斯特拉”是船頭的意思。
將敵軍的船頭砍下來，裝飾在柱子上，用以慶祝勝利，源於古羅馬的一種風俗。

也有傳說是當年彼得大帝大敗瑞典海軍，
把被他打沉了的戰敗國軍艦塑到柱上以作紀念，

 涅瓦河畔的旁有兩座埃及獅身人面石彫像，唔知由來及點解放喺度？
我初初以為仿製品，導遊話原來喺堅嘢，有3500年歷史，真喺估佢唔到。

 附近另一座羅馬式鑄銅柱

「羅斯特拉」柱附近有個小市集賣嘅嘢好雜亂

市集賣嘅嘢好雜亂，乜都有...
小食蒸粟米、汽水、雪糕...

服裝攤販...
大熱天時....皮草大衣都有得賣，唔好阻佢，團友居然又有買

攤販仲有露天咖啡檔

有華麗古裝藝人，收錢同遊客拍照

攤販對面喺聖彼得堡海軍博物館

無無聊聊行下逛，主要是要等時間去下一個聖彼得堡嘅重要景點，
就喺......時時喺TVB......瞬間看地球....出現聖彼得堡鏡頭
喋血大教堂( Savior on the Spilled Blood)
因為團體參觀要定時間

一橋一鐵體驗之旅 2

G+結束後...混亂局面出現，好正常...搞咗一輪穩定咗，

  blog友們可以重新上載

喺順德Hilton酒店，酒店食下豐富早餐Buffet.. 

即做 早餐 上海煎餅.....餡料有油炸鬼、煎蛋、生菜、辣椒醬...好味道

我最鍾意食就係早餐煎雞蛋，哩度款式雖然唔係好多 ，但係非常之有誠意， 有一位厨師妹妹專責做架，我見佢半個鐘頭，已經都差不多煎咗一百隻蛋...厲害

早餐後出發，去三水.....“夢裡水鄉“百花園參觀，坐咗兩個鐘頭車程 ，天氣突然間轉冷， 仲落埋毛毛細雨添，得11℃...帶唔夠衫，凍到...震！

哩到面積大概有幾萬平方米， 每個季節種嘅花都唔同，所以每季都有不同嘅靚花，值得嚟睇下。

 午餐食.....豬肚雞，熱辣辣可以保暖身驅寒...

下晝返到佛山...新天地逛下，Hello Kitty cafe

晚餐去咗吃魚宴，全條魚入粥湯浸食，都幾好味。

但過程太殘忍，我都唔想再提。
吃完返酒店再住多一晚。

第三天早上去 順德...碧江金樓，一代宗師拍攝場地。

午餐後...就去珠海...

最後去珠海圓明新園逛下，N年前嚟過，依家唔使入場費，所以好多遊人，入面園景殘到爆。

珠海參觀完，經港珠澳大橋返香港

呢度就唔同高鐵有一地兩檢 ，先過珠海口岸，首先我哋入到去檢查大樓，哩邊度好注意安全呀，縮氣體系完全不准帶入，有團友帶咗樽噴髮膠，所以海關要沒收，但安檢妹妹好有禮貌解釋原因。

領隊都唔知道冇講到，可能係之前有單新聞，喺壓縮氣引起爆炸所致。

海關大樓非常之新淨，且出入關指示凊晰，哩度有好多自動驗證閘， 今日無乜遊客過關
     同西九嗰啲一樣，非常之敏感，好快就可以過到
哩度可以同澳門一地兩檢 所以有多團友直接過咗去澳門，超方便。

 入閘前選定前往的目的地，哩度好清晰有指示前往香港，唔會行錯去咗澳門。

由於旅行請安排專車，直接由珠海口岸去香港，所以我哋喺，唔使再喺香港口岸轉金巴往市區

珠海口岸往香港口岸行車都要成三十分鐘時間，可以慢慢欣賞，橋真係好宏偉好長，今日天氣唔係咁好所以睇唔到靚景。

 條橋真係冇乜車，相信仲係太新冇乜人用，行車穩定，好暢順，到達香港口岸。 

到達咗機場附近嘅香港入境口岸， 入境都冇乜人入境，由 e 通道過關非常快捷方便， 過咗關之後，我哋上番喺門外等候嘅專車直去九龍太子站解散。 

香港聯檢大樓其實係冇乜嘢食，只有一間翠華茶餐廳， 同埋少少手信鋪，仲有好多吉舖未開，相信遲啲開齊，都非常之方便。

 總括嚟講港珠澳大橋都算係好方便，可能有啲我哋唔使有旅社安排專車轉來轉去，所以由珠海直接嚟到香港口岸車需要大概45分鐘，用大半個鐘頭去到太子地鐵站。

今次行程就完結啦， 總算體驗到一橋一鐵嘅偉大建設