鐵幕紅塲闊無彊." 天然的光暗變化使人" . 俄羅斯 (跟團去旅行)

「金環古城」中的“莎哥斯基古城"，仍保留著14世紀古樸情懷，所以喺

1993年被列入聯合國「世界文化遺產」(UNESCO)名冊。

真心講...睇個古城正面好宏偉，似Tiffany & co粉綠色彩好鮮豔奪目，
比想像中新淨，相信要經常努力修護。

導遊Paul簡介及注意事項....

由於哩度喺宗教重要建築，入城注意言行衣著！！

入城主要喺唔可以帶大背囊入內，嚴禁觸碰及拍攝黑色袍的修士。

女士及男士都不可穿吊帶小背心，超性感熱褲仔...

由於時間尚早旅行團唔多

大家要安檢後，穿過古城拱門進入。

入口上面有小圓頂的綠色的塔，而喺1856年重建，叫做.."紅門塔"（The Red Gateway Tower），「紅」色俄羅斯文解作美麗，不是指顏色。

正如：莫斯科...紅場，意思就喺“美麗的廣場”

 紅門塔..入口，有唔少保安及修士(上面長髮黑袍)架，不過安檢都好喺是是但但，呀Paul向保安打咗招呼，45人話咁快入咗去。

入口處有塊金屬片刻滿...俄文，似喺歷史簡介....

歷史簡介如下

東正教自十世紀傳入俄羅斯成為國教，1345年聖僧莎哥斯基興建，俄羅斯最大的東正教修道院，聖三一修道院(St Sergius Monastery)，自此莎哥斯基

成為俄羅斯東正教的聖地，每年無數的信徒及遊客峰湧而至。 

買拍攝影票有送 “CD"....

入口拱廊頂內畫有聖母聖嬰畫像和神聖的東正教宗教彩繪壁畫。

“紅門塔”拱廊出口，上面的教堂與塔樓，喺17世紀末由當時貴族 Stroganovs出資興建，該家族建築的典型特徵。

所以“紅門塔”背面哩幅大壁畫，就喺描述哩個事跡。

穿過...紅門塔，就會收喺見到哩棟紅色建築，
佢就喺“施洗約翰降生大道教堂”，
拱門正面畫滿對比圖案，中央畫像是描述三聖人...仲有繁複的宗教壁畫。




門廊兩旁皆有樓梯，可通往上頭正方形的教堂。

“施洗約翰降生大道教堂” 外型好突出，

各項細節運用許多古典建築元素，正方形繪滿圖案，仲有招牌式東正教堂五個洋葱型金頂。

全部45人大都集中在拱廊，細聽呀Paul 解說每幅壁畫的故事及拍照，領隊Billy要努力疏導團友，以免阻礙其他遊人出入。

聖莎哥斯基喺封為俄羅斯主保聖人，所以喺莫斯科備受重視，
拱廊內主要繪畫....聖莎哥斯基的神跡故事。

其中一幅描述，聖莎哥斯基在森林遇到饑餓的熊，分吃麵包給熊，熊代表俄羅斯，寓意聖莎哥斯基拯救咗俄羅斯。

呀Paul 解說完幾幅重點壁畫後，就帶我們離間“施洗約翰降生大道教堂”，而只喺幾步走遙，前往主要重點的“聖三一教堂”。

“聖三一教堂” 洋葱圓頂金碧輝煌

 “聖三一教堂”
左旁綠色的小建築叫做Serapion's Tent，是諾夫哥羅（Novgorod）大主教St. Serapion（卒於1516年）的墓。

 “聖三一教堂”入口有幾幅大壁畫

  導遊Paul 簡單..解說 了聖三一喺指....天父、基督、聖靈
而幾幅壁畫就喺描述“呀當、夏娃“偷食禁果被大天使逐出天堂故事。

“聖三一教堂”內裡禮拜堂，
整個空間足足有510平方公尺，
大家可留意禮拜堂內一張櫈都無，
東正教做禮拜是站立的，令信徒更靠近天主。

 整個大廳建築裝飾都喺華麗厚重巴洛克式，
每個角落都繪畫聖像故事。

 大堂天花拱頂聖像畫和色彩鮮豔的浮雕畫線，
正中掛有金碧輝煌大吊燈

 全個禮拜堂室內都只靠兩旁的多個大窗照明，
令信徒感受當中，天然的光暗變化使人，感覺寧靜及詳和。

今日陽光普照才可清楚見到整個大廳細緻位，

若陰天光線不足，真喺比較難睇到咁細微

 呀Paul 又努力用普通話解說....，只識超普通嘅我，真心唔喺咁明，
就由領隊Billy翻譯，其實佢仲熟當中歷史故事。

Paul 話..喺蘇聯共產時代，1930年大整肅期間，教堂遭受破壞，在二戰後再重建。

不少教徒點燃小蠟燭祝禱，好有祥和宗教氣氛

 大家可留意大廳最前方左右兩旁，各有一扇巴洛克式的聖像屏

見國內靚女不停拍照。

兩旁聖屏前，各放有一個棺木

左旁放著的是...莫斯科大主教St. Filaret（卒於1687年），
見到左上角有塊藍色布，因為東正教徒會親吻聖體上玻璃，原來喺要嚟清潔抹塊玻璃，真喺細心！

右旁的 棺槨 放了 St. Innokenty（卒於1879年）的聖骨。

此外教堂出面，右旁有另一位大主教Macarius（1482-1563）之墓，

他是伊凡四世的好友，對修道院與國家有著許多貢獻。 

最裡面的1688年巴洛克式聖像屏，是1948年從莫斯科的大十字聖尼古拉教堂（Church of St. Nicholas the Big Cross）帶來的。

導遊Paul帶我地參觀完聖三一教堂後，團友有兩小時自由活動，約好集合時間，可以各自慢慢行逛，購買紀念品

 聖母升天大教堂(上圖)喺另一重點參觀建築

前面粉紅色的小建築是井上禮拜堂（Chapel-over-the-Well），十七世紀晚期整修聖母升天大教堂時發現泉水而建。

泉水可以從旁邊的彩色亭子底下取用，此亭建於1872年。 聖母升天大教堂正門左邊有個矮矮的方形建築，是韃靼貴族出身之沙皇Boris Godunov（1552-1605）與妻女的墓。

去到見到，嘩...教堂外大排長龍，咁多人，大部份喺日本團、國內團.....，我諗要等成個鐘，無入睇啦。

之後...問下Paul 裡面有乜嘢睇
原來喺有聖母像及一幅巴洛克式大金聖屏，
東正教徒一定要去朝聖，我選擇咗逛下其他地方先。

稍後介紹....能醫百病聖泉

最最....重要手信攻略，哩度款式又靚又多，真喺超平平！！