俄羅斯旅遊手信篇 .. 鐵幕紅塲闊無彊 (跟團去旅行)

旅遊最重要梗喺買手信，而“莎哥斯基古城"內有一間大手信店，
就喺聖三一教堂隔離黑色尖頂的建築物二樓，

哩度幾乎俄羅斯所有著名的手工藝品，都喺店內有售，
價錢平貴都有，豐儉由人，手信就當然要買平實啲喇。

而穿綠色背心嘅女職好溫柔，好有耐心又貼身咁介紹價品，佢地仲有啲識普通話，好流利架，溝通絕無問題！

我就覺得哩度有啲手信幾實惠，款式又多，
大家嘅然嚟到，唔賣都睇下，咪當手工藝品博物館逛下....
真喺有導賞介紹就仲好！！

木製音樂旋轉臺...必買喇，主要喺以東正教堂為藍本，漆上艷麗的色彩，
再配以俄羅斯的柴可夫斯基名曲天鵝湖、胡桃夾子
其實俄羅斯四圍都有得賣

我買咗個大嘅...1500盧布二百幾蚊，及兩個細嘅1000盧布
喺喇...提一提匯率：100盧布....HK$14

著名俄羅斯 羅曼諾夫王朝 ，琺瑯質復活節彩蛋

當然....哩度嘅琺瑯質復活節彩蛋，唔喺著名大師“法貝熱”...復活蛋喇，

宗教、聖人陶瓷雕像..

軟木製品來亦喺俄羅斯著名手工藝品

軟木製品中，以盒子最實用手工唔錯架！

軟木用模具壓製再上色而成“木盒子”，主題是以東正教堂和著名風景畫及圖案(上圖)，最實用手工唔錯架。

我買咗細嘅大約500盧布HK$65。

俄羅斯著名工藝品.....套娃，一般套娃內裡藏有五個娃娃，而裡面最細一個隱藏祝禱...幸福之意！

 大家明白理解，俄羅斯人工唔平架，由其手工、藝術、創作性高嘅，所以平價套娃大多來自祖國的哈爾濱，但唔好計較咁多啦，祖國的師傅手工都好好。

導遊Paul話要分辨是否俄羅斯土產，看看套娃底部，我買哩套就喺喇......1,750盧布

若俄羅斯本地人手製作通常，底部有工廠及工匠姓名

漆繪彩蛋....大部份以聖母聖嬰為繪畫主題

漆繪復活蛋手工細緻，聖母聖嬰栩栩如生，承惠6300盧布(HK$870)
當然有啲實惠喇

我買咗琉璃雕金蛋，俄羅斯雙頭鷹國徽

陶瓷蛋盒 及 琺瑯質音樂蛋盒(紅色)

陶瓷蛋盒

哩啲手繪木盒喺好靚，當然好貴，但有啲唔喺唯好貴，就用上印刷，
1400盧布約HK$200。

彩繪漆器....黃色紋路民族色彩的“霍赫洛瑪”圖案，因為用上的素材喺漆，所以會發出漆的氣味，購買時要留意，我就麻麻地..！！

 上面哩個喺套裝漆繪茶具

店內有亦有旅遊熱賣手信....磁石貼，只喺100盧布以下，十多港元有交易。

貝殼瓷品宗教畫好名貴，手工精巧細工...54000盧布...折合HK$7500。

哩間旅遊手信店，歡迎使用信用咭、現金....盧布

上面喺我買的部份手信....
所有手信合共大約三千港元

超市買咗熊仔蜂蜜(HK10/樽)、“大頭娃”朱古力名物必買，朱古力味道一般，但蜂蜜就喺稠身用嚟搽麵包，花蜜味道可以。

 在俄羅斯購買嘅旅遊手信之中

最昂貴.....
就喺哩套”聖彼得堡皇家製瓷廠”生產咖啡杯.....我喺莫斯科入住酒店購買，喺公價發售......4000盧布(HK$560)

大家好鍾意網購，淘寶都有哩套杯....￥750人仔

 聖彼得堡買到.........聖彼得堡 喋血教堂瓷杯

聖彼得堡 海軍瓷杯，原喺餐廳陳列品，我見好靚央求店主出售，當然由導遊出面議價，2000盧布HK$280

除了哩間之外，

跟著仲有大大小小場合可以買美而廉的手信

我全個俄羅斯之旅，購買所有手信折合共大約三千港元

總括嚟講，由於盧布大跌，整體消費唔會大貴....

離開莎哥斯基古城，稍後驅車回莫斯科參觀“蘇聯成就廣場”