” 嘉芙蓮女皇”（Екатерининский дворец）佢就喺俄版“武則天 鐵幕紅塲闊無彊 (跟團去旅行)

時間到喇，大家再聽聽“吳明”講下，參觀者注意事項
其實比起自由行人士，已經我地好快入到去，原因當然喺“吳明大哥”打通哂人脈，走後門...唔喺，喺團體通道優先，佢叫職員開咗佢啫。

入去要例牌安檢，大袋、背囊一定唔俾帶入。

安檢後，領隊Billy(哈...仲揸住支旗)。
安排我地去一房間，
著鞋套.....

宮內要保護好地板，及保持整潔，入宮所有人都要穿上鞋套，
嘻....成大籃鞋套，好似“咸魚”

又要等...，宮內每間房都有做好分流，
限制參觀者人流，其實好有用。

好笑....好似小朋友

“吳明”又再召集大家上去參觀第一間房。

又要等..“吳明”介紹下，
主樓梯(Main Staircase)迎尚賓用的，
位於宮殿正中央，分左右兩旁梯階。

兩旁的古董瓷器，
好靚呀......全個都好白色呀，配上古雅經典藤蔓浮雕，
但原本喺建築師Charles Cameron以紅褐色為設計主調，
至1860年Ippolito Monighetti接手重建，改以洛可可風格，
裝飾天花及四面牆壁

要提下全個“嘉芙蓮宮”包括這主樓梯，在二戰時受到嚴重破壞，
而用咗三十年時間修復成當年模樣，
內裡裝飾全部喺復刻，古董喺真嘅，
二戰被納粹德軍圍攻前，一早以收藏好。

首先入到主大廳Great Hall Throne room
嘩嘩聲............四起！！好金呀！！
簡直....金光燦爛......徐小鳳

寬敞大廳喺伊利莎白女皇時代傑作，亦有法國凡爾賽宮內“鏡廊”影子，
俄國沙皇經常將自己同法國太陽皇查理十二世比併，
遲啲去冬宮隱士盧博物館、夏宮就知道，幾癲

哩度就喺意大利建築師“拉斯提里”設計，

佢亦喺為“冬宮”設計師

而大廳天花板壁畫“俄羅斯凱旋”，

就出自意大利名師Giuseppe Valeriani所繪畫。

可以留意下，上面咁立體拱頂柱廊全部喺繪畫出嚟，
令平面嘅天花板，有更高更立體嘅天宮感覺。

轉下轉下行下行下，嚟到騎士宴客廳 Cavaliers'Dining Room
宴會是皇家生活重要部份，哩個宴會廳喺女皇最常使用。
宴會廳後面好大座嘅藍色瓷器，喺大暖鑪。

而要留意佢枱上嘅精美瓷器，喺使用世界著名“聖彼得堡皇家瓷器廠”生產，其實全宮內都喺使用此廠出品，我亦在宮內精品店，買了一隻咖啡杯和碟，售價55歐元，稍後介紹。

而餐枱上的水晶杯、瓷器、銀器刀义攞設安排，
喺跟足當年宴會盛況。

吳明....手舞足蹈，其實佢介紹得好生動精彩，仲好香港式地道，

佢話嘉芙蓮女皇喺“豬扒”，佢以俄妹標準咋。

再向前行，望多兩眼啫，呀俄嬸嬸職員會催你向前行，不能停留。

再穿過多個廳房，金碧輝煌雕刻門拱，中央有一粒大水晶。


大家舉機影呀影呀......

皇家接見室

嘉芙蓮女皇畫像及真實的華麗服飾

吳明簡單介紹下，嘉芙蓮女皇，
大家有睇武則天，佢就喺俄版“武則天”。

嘉芙蓮出身於一個德國小公爵家庭，
1744年，這一年俄國女皇“伊利莎白 葉麗薩維塔”無嗣後，她以繼承者“彼得”（即後來的彼得三世）挑選妻子，嘉芙蓮作為候選人被選中。
經多場宮廷戰鬥角力，最終成為俄羅斯帝國皇帝（1762—1796年在位）。是俄羅斯歷史上唯一一位被冠以「大帝」之名的女皇。

葉卡捷琳娜二世·阿列克謝耶芙娜（俄語：Екатерина II Алексеевна，1729年5月2日—1796年11月17日）

稍後個篇一定要睇呀，
喺嘉芙蓮宮...重中之重，價值10億港元嘅.....“琥珀房間”