臥底...平價團....之...浮繁江南...五天團

(上海外灘)

大家近日好嗎？

因為我去咗江南....華東旅遊，

都係年第一次跟平價團，華東五天，坐港龍航空，早去晚返，玩足五天

事後完全正確，早上第一班機7:25(KA802)出發，回程20:55(KA809)

剩喺團費1300蚊...(有團友早報名900蚊咋...咁平)，計埋機場450蚊，旅行保費270蚊(若自己有全年旅保可以慳番)，導遊費400蚊(每日80蚊)，共2420蚊。

(上海浦明珠塔東新區)

 咁平...即喺有購物點，明碼實價，旅行社講明白，絕對不會強迫購物，只喺出現到場，逛夠時間走人，全程有五個購物點，大約半小時至一小時，我無去過哩啲團想試下，咪信下四叔間旅行社，做下卧底....嘻嘻！

絲綢(一個鐘)、真珠(一個鐘)、紫砂茶壺(一個鐘)、玉石(原本一個鐘，團友買唔停，搞咗個半鐘)、中藥店(最短...廿分鐘)

但實際上喺團友買唔停手，每次都要等佢，但多謝佢地喇！

連導遊都嚇一跳，不過我無乜所為，至緊要大家開心！

購物點同旅行社宣稱逗留..時間大致相同，有時更短！

(上海外灘浦東新區)

 商品說明條例下，所有景點去到足，包括購物點列明，並無加減，
出奇地.....當地主導遊及另外蘇州、無鍚，兩位副導遊，全程能操以流利廣東話，介紹風景安排行程都詳細，好風趣輕鬆，溝通絕無問題，都算稱職有禮，當中梗有sell下嘢喇。
提一提三位導遊，全部喺女性。

(上海城隍廟湖心亭)

(貝聿銘設計蘇州博物館)

(蘇州寒山寺)

(杭州西湖十景之一...曲院風荷)

(杭州西湖十景之一...曲院風荷)

(上海朱家角水鄉....當年TVB"情牽百子櫃“拍攝場景)

香港肥領隊都盡職有禮。

佢最常講...平價團梗有購物點，大家唔買唔緊要架，絕無問題，唔會有人鎖門架，入面有茶水、洗手間供應，你地咪當見識下，有無人買嘢夠鐘立走，實際上好多團友買，佢地都唔使sell，啲嘢平唔平我唔知，返正我無買。

五個購物點，每日平均一個購物點，有日喺無，有時有兩個。

行程梗有啲蝦碌、阻礙，但順利完成
詳情稍後....