浮繁江南 華東五天團....杭州 西子湖

離開..無錫...就上高速公路直前往杭州，

依家內地高速公路相連各大城市，快速超方便呀。

冇塞車都需要兩個半三個小時，

中間停一個休息站就係“嘉興”呢個休息站非常之大

有我哋相當熟悉嘅麥當當、星巴克、同埋好多上海杭州嘅 著名 食品 “五芳齋”.....。

想買 星巴克 杯咖啡 嚟試下 價錢同香港一樣，不過係用人民幣標價，但遇到一個非常之麻煩嘅問題，就係付款。

大家都知依家內地幾乎全部使用 網上付款 ，

alipay 同埋wechat pay ，對於我哋呢啲唔係大陸居民，無法開通大陸支付寶，相當麻煩

 因為我哋係用現金支付，但係人哋就係冇咁多現金找續，搞咗好耐，佢地四處張羅現金 ， 服務態度真係好，終於由導遊暫代付款。

嚟到杭州了

但係由於今日係星期六，杭州西湖附近，所有交通要道都係禁止旅遊大巴進入，

等到下晝五點先至可以使入去西湖，原可在附近放低我哋，行入去，但由於我哋嘅旅行團太多長者，要佢哋行一個鐘頭，太辛苦喇。

唯有喺西湖外圍，稍為等一等，

導遊安排我哋用咗空檔時間去參觀咗附近一個景點......

 盛開桂花

黃龍洞（世界文化遺產），
冇乜特別都係寺廟一間，有少少市集嘅嘢，

哩度主要喺黃龍洞健行徑，
見有好多行山人士，亦有行山徑指示， 而家市民都好喜歡健行， 鼓勵綠色活動，的確係一件好事...
導遊話在山上可飽覽西湖全景色

領隊導遊見時間差不多五點，咁我哋就上車前往去 

今次參觀嘅 西湖十景之一，西湖十景之一“曲院風荷” 

其實我之前都嚟過，但完全冇印象 ，可能年代久遠。

我哋一路行入去，於距離公園關閉仲有兩個多鐘頭，

所以好多有人已經逆方向離開，一團一團大少約有幾千人，可想而知幾。

但係今次見到嘅係所有配套非常之齊，
全包括指示牌同埋入門口嘅牌面。

現在難得清靜 ，可以慢慢欣賞.....荷塘景色，
而且可以欣賞夕陽餘暉，影相亦不見人頭。

由於已經過咗荷花盛開嘅季節，
所以開始有啲轉黃，荷花已徟謝，導遊小慧話如果早一個月前來，
湖面荷花盛放，靚好多。

大家冇留意荷花同蓮花有乜分別，其實非常之簡單，導遊小慧話荷花生長係距離水面差唔多2呎，而蓮花係貼近水面生長。

 我留到杭州有好多外國留學生，
喺西湖景區都見唔少形單影隻外國靚女...

而另一感覺到四周圍都好整潔，而且小路石面經到刻意佈置，

無障礙通道行走方便，不會令長者舉步維艱。
果然喺世界遺產景區，國家四星旅遊景區

福井園....中、日友好公園...杭州與日本福井縣

友好公園 休閒

沿荷塘四圍逛下， 黃昏非常慢慢悠閒欣賞沿途風景 雖然 唔會好似啲數人默默咁 吟詩作對

享受園西湖美景風光 ， 

其餘景色留待下次欣賞

閒逛了個多小時，我地便離開西湖，

前往今晚入住五星級靚酒店

酒店位於杭州市郊新建的的龍湖新區，由西湖前往，車程需要45分鐘，其實距離杭州市中心都幾遠，今晚的晚餐喺自費架，所以小慧妹在車上以提供搵食情報。

佢話 酒店附近喺一個較高檔的商圈，有三座五星級酒店包括我地入住Crowne Plaza Hotel , Hoilten Double tree，及多個高尚住宅小區，及一個大型商場“龍湖時代廣場”，而且有地鐵站連接杭州市

喺“龍湖時代廣場”商場，有好多嘢食，包括有華潤萬家超市，食完再逛下超市真係正，我哋就係對面嘅商場逛一逛，由於我係用咗“中國漫遊流動數據，再上網再睇一睇。

今次想食一啲比較傳統嘅食物 阿媽見到一間“小楊生煎”連鎖店..專食生煎包，就入去試下，佢哋有蟹粉生煎包，

一個套餐只係￥33蚊人民幣，

包括埋魚丸湯和四個蟹粉生煎包，

內裡蟹粉超多，濃湯好惹味。

 

魚丸湯味道就一般喇

仲有就係另一個套餐
 老火湯 和 共六個普通嘅豬肉生煎包，同埋白菜生煎包
非常之好味，都喺￥29蚊人仔
真係又平又好食

溫馨提示..生煎包超多湯汁架，食嘅時候先咬少少飲咗內裡高溫湯汁，
如果大啖直咬一定爆汁....被高溫湯汁所傷。

 食完之後再試一間連鎖店係食雲南過橋米線

初初都唔知點叫，見跟張枱就係依樣畫葫蘆焦，
我點嗰個係雞肉 酸辣過橋米線啫，
只係￥26蚊人仔非常之抵食。

酸辣過橋米線都非常之唔錯，裏面嘅配料非常之充足， 另外再有角色配料包金菇雞肉酸菜，個陶瓷碢酸辣湯非常之滾熱，加咗啲米線直情好似爆炸咁， 都幾好味，

唔似其他店啲落咗好多味精，係真材實料 

全部計曬只係食咗100蚊人民幣非常之抵食， 

導遊小慧佢哋講，如果依個唔係喺大商場裏面食，

外面只係一半價錢， 食飽飽返酒店，

酒店就喺商場嘅對面 ，係全個旅程之中最好嘅酒店，

Hoilday Inn集團嘅Crowne plaza，係2018年6月全新開業 

五星級酒店裏面裝簧華麗，在等待登記入住時，大堂經理原來喺廣州人，

佢用親切“廣府話”同我地閒談今次旅程，仲介紹下酒店設備，

員工服務態度非常之友善細心又勤快。

房間設備齊全簇新，今晚可以嘆下啦 ，
可惜喺度住只一晚第二朝，我哋就會前往上海

今次真喺有啲驚喜，因為我太太喺哩兩日....生日，
導遊小慧妹及領隊準備咗一個小小生日蛋糕，
送俾我太太，真喺窩心，物輕情意重.....多謝！

同團另一位耆英亦喺哩兩日生日，
亦有收到導遊小慧妹及領隊生日蛋糕，

兩位敬業樂業，非常有心，多謝佢地！！
知道領隊哥哥下個月(12月)升職，將會轉帶澳、紐團，祝佢步步高升！