二十年後舊地重遊..韓國首爾、抱川之旅2019

大家睇睇俄羅斯又會轉咗去韓國先，

話說10月初去了首爾一次。

上一次到訪韓國已是上世紀 1999年了...

今次韓國之旅亦是團遊之選 參加咗一個55週年紀念嘅旅行社，五天首爾團費係$3,300，加埋其他附加費大約四千頭。

乘坐大韓航空凌晨機出發， 由於當時機鐵八點收車，所以要提早到機場。我記得當年亦係乘坐大韓航空，韓妹空姐的確幾靚女上，笑容常掛面好可愛， 服務非常之殷勤。

但係非常之奇怪，就係佢哋講英語水平，真係唔係咁好，聽唔明佢介紹晚餐係乜東東，我初初以我自己英文水平差啦，但係隔離坐鬼鬼亦都聽唔明佢講乜...........

 隔離鬼鬼用英文問我佢講乜，佢梗係以為東方面孔嘅人一定知對方講乜嘢，搞咗一輪先知只喺問我晚餐想揀乜嘢款式，有韓式伴飯 or 西式魚煎柳餅意粉。.......

當然韓國現今改變好大喇

早上六時到仁川機場

大家唔好話我無知呀...

入境時要拍照、掃描左右手食指指紋。

原來咁樣就登記咗自助通關，離境時唔使再到櫃檯辦手續，香港同韓國，入境...真方便。

等當地導遊時，

喺機場內食咗少少韓式早餐，唔貴喎

￦5500...有蒸餃、可樂，飽飽.......

七點就出發了，但天仲未光

第一個景點，首爾天空公園睇粉紅亂子(芒草)

由仁川到首爾，只需一個小時車程

天空公園喺山上，可以坐電瓶車嘅，

但太早司機都未開工，我地山腳落車行上山....

行咗十幾分鐘，終於到山頂天空公園，
山下面喺首爾市外的另一個區，但唔記得咗個名。

 漢江...其中一段支流

正值旺季，粉紅亂子(芒草)呀...的確好靚

粉紅亂子(芒草)....好靚

首爾.....天空公園

粉紅亂子(芒草)....