浮繁江南五天團... 蘇州 2 參觀絲綢工藝

今日真係過得好長，由朝頭早七點鐘到而家晚上五點鐘，才吃晚飯了，

今日算係屬於江南菜八餸一湯白飯任裝，大家都吃得非常之滋味，可能係由於菜式較清淡，好適合耆英們團友嘅口味，我都可以，平價團的餐食都可以喇。

宮保雞丁，唔辣版

元蹄太大，由餐廳員工切好分吃

哩個饅頭喺凹架，唔記得乜名，我喺香港上海舖食過，
要放埋醬菜在凹位吃，好味！

好清淡.....野菌湯

今晚住嘅酒店係屬於四星級，乾淨衛生，重點喺位置在市中心，
可以去附近嘅超級市場及商場逛逛。

 蘇州市中心全新開業大嘅商場，內裡全部喺國際連鎖店，物品價位同香港相同，但以人仔價計，星巴克咖啡店...唔少得！

內裡見到....上海老書店“大眾書局”，裝飾好有古色古香老書店。
行咗一陣回酒店了。

可能由於太攰，琴晚瞓得非常之好，
喺酒店吃飽飽早餐，出發方今日第一個景點，
就係蘇州絲綢文化博覽館

呢個景點基本上係所有團都會參觀，亦都係第一個購物點....“絲綢”。

導遊小玲姐講明，哩個喺國家省級指定景點，所有嚟蘇州團都要到，我見真喺好多外國團都到此。

 導遊小玲姐簡單介紹下....古代絲綢織布機模型，模型比例大約係1:8

最吸引我就係嗰啲古時各朝代的絲綢織布機模型，造工非常精細，工匠好有心機，參照古藉圖畫製成。

每部機模型亦有詳盡說明，我可以慢慢細看...對絲綢生產有少少了解...每部機械好特別。

我有睇過BBC一部記錄片，介紹蘇州仲有專業嘅絲綢織布師，佢地喺個體戶，個體戶織布師一定喺兩夫婦一齊做，會使用傳統古代織機，
織出精品的絲綢布匹，成品好靚，作品會由蘇州絲綢廠收購，一匹上好精品絲綢，可以賣上萬元人仔，等於佢地一年收入，所以兩公婆壓力好大。

跟住就係有一位阿姨喺絲綢廠嘅員工，介紹點樣由蠶繭開始到抽絲剝繭， 蠶繭先以熱水淥死，令佢唔能夠變成飛蛾，再咬斷蠶絲飛出。
見佢嘅動作應該係熟手員工， 睇完呀姨熟手嘅抽絲剝繭嘅方法，
一個蠶繭，可以拉成一大幅絲

一個蠶繭可以拉成一大幅絲

再上摷絲機 自動抽絲

 導遊小玲姐簡單介紹
上面哩套床單套裝名為“憶江南”喺送俾2016年G20高峰會各國員首禮物，
價值￥48,800，我摸過...真喺順滑不溜手。 

G20成員所著嘅所有蠶絲外套都係有呢間公司製作。

之後我哋就去介紹下絲綢被
團友大家都非常之有興趣，好多團友都買咗唔少，枕頭床單被， 
一套都係六百蚊，又唔貴喎，大家買得開心，

而我無興趣上咗樓上參觀著名的蘇州刺繡

著名的傳統蘇州雙面刺繡

我好欣賞以現代畫作風格作品，如上面一幅蘇州水鄉作題雙面刺繡。

哩幅以白果樹及小橋為題雙面刺繡。

依家刺繡畫，唔喺局限傳統花鳥蟲魚為題，而喺以現代畫風表達，
手工精彩絕倫，每一幅盡顯大師風采，每幅大約￥38,000至￥48,000。

我亦參觀過日本 京都“西陣織” 絲綢製作名店， 
當然日本當年是以中國的絲綢製作為藍本，
但不能否認，近代日本吳服(和服)絲綢刺繡作品已青出於藍，
但藝術作品，如雙面刺繡、藝術畫作，中國刺繡師手工藝做創新亦在領先...。