浮繁江南五天團... 蘇州 3 30年後重臨 寒山寺

姑蘇城外.....寒山寺（502年-519年）
有近千年歷史古寺，世界文化遺產1982年

張繼的《楓橋夜泊》

「月落烏啼霜滿天，江楓漁火對愁眠，姑蘇城外寒山寺，夜半鐘聲到客船。」而聞名中外。

呢首詩詞 真係無人不曉，中學嗰時已讀過。

我當年第一次同啲同學(即係30年前)畢業旅行，就睇旅遊書去華東19天火車自由行(杭州、蘇州、無錫、黃山、上海)，當年好流行畢業去大陸旅行，途中遇上不少其他的大學畢業生，嗰陣時冇人畢業去歐洲，嗰啲咁鬼嘅地方嘅玩架，我記得19日旅程，全程用咗一千七百蚊人仔。

三十年後再到蘇州“寒山寺”， 真係非常之有感觸，時間飛逝，話咁就三十年，再見到嗰塊向著運河 “寒山寺” 牆壁三個大字依舊，我記得寒山寺，當年係破破舊舊，完全唔係而家咁嘅樣，當然時代進步喇，而當年我亦只喺個死靚仔，現今香火鼎盛，寒山寺直情係大咗幾倍。

張繼就喺哩條運河，聽到“寒山寺”鐘聲，有感前路茫然不知，作咗首名詩《楓橋夜泊》，佢都唔知，後來佢自己高中狀元。

“寒山寺”以前唔使收門票，現在就要￥20喇。

佛塔(當年無架)......據聞存放佛祖舍利子，但不能進入！

好多位名人及文人雅士都為此首詩《楓橋夜泊》作提字。
其中我覺得寫得最好，就是已故.....台灣的“星雲法師”。

佛塔....

 近年，各地遊客，特別是日本、韓國遊客經常專程在新曆元旦、舊曆除夕到寒山寺聽新年鐘聲。

同時，一些媒體也通過直播新年鐘聲給予了關注。

但現在敲鐘一下要五蚊人仔.....，

若除夕仲要另有三百人仔入場費...仲唔喺一定有得敲鐘，有頭有面先有得排隊等

行逛完就去吃午餐喇

午餐就喺運河旁邊....

刴椒蒸魚片...好滑咼

我初初以為上面個碟喺椰菜花，
耆英團友指正，蔬菜名喺...福建菜花，分別喺花少菜梗較長，
有耆英團友又長知識。

咼荀炒肉，好甜美

元蹄....

食飽飽，就離開蘇州.....

下一站.....無錫