廣州百萬葵園@花之戀酒店

上星期去咗＂廣州百萬葵園@花之戀酒店＂玩下兩日一夜，當然喺團遊啦，參加了近年搞大陸美食團大熱的旅行社，相信我不用介紹了。

成個行程由家人安排，初初都唔知去邊度，只知團費頗貴，

閒日出發團費都要$800，這是以國內五星級酒店來講，既來之則安之。

一出深圳關口，已見不少這間旅行社穿著整齊制服的“靚仔、妹”職員，有禮地向團友打招呼安排找尋相關領隊，真喺十步一個職員，想走失都幾難。

出發到東莞食咗午餐先，午餐喺順德菜，質素相當不錯，十餸一湯加甜品，相當豐富但無乜特式，在此不作介紹了。

上廣州要兩小時，下午兩點才到“花之戀酒店”，笑容滿面的年輕酒店職員，在門外迎接，向我們落車的旅客有禮打招呼工，其實酒店上下的員工亦相當年青，感覺好有活力。

入到大堂第一個印象，唔似一般國內豪華酒店咁浮誇金碧輝煌。 

全間酒店以白色為主調，周圍都喺以花裝飾，充滿陽光氣息，可能哩間酒店以花為主題，非常整潔乾淨，空氣清新，原因喺酒店內全面禁煙。

“百萬葵園”已開業十多年，年前大變身，新建的“花之戀酒店”，以主題樂園酒店為場景，可惜....由於春夏季交替，花朶並未太盛放啊。

花之戀酒店的主角向日葵花是溫室栽種，
再移植到花園，而到盛夏花期，
可到酒店外的幾十畝真正花田觀賞，好壯觀。

 

 內地人的超高難度自拍動作。

酒店的＂杜鵑花小徑＂。

在酒店花園內逛了一圈便回到酒店了，因為...

花之戀酒店內安排了廚師教我們煮餸，示範的兩個菜式，一個是清水白灼葵花雞，

沙鍋鹽焗鱲魚。

 

 清水白灼葵花雞，廚師介紹原來葵花雞隻喺只用葵花籽飼養，

所以幾乎無乜肥膏，仲有好多維他命乜乜乜，可以防治乜乜乜，

盛為￥380人仔 ，我媽咪回憶十年前到此，哩隻葵花雞亦要索價￥78。

試食...葵花雞，肉質好清淡，確有雞香味，亦有少少葵花味，可能落埋葵花花蕊(圖左)

沙鍋鹽焗鱲魚，調味只落了葵花秄油、鹽、白胡椒粒，焗出嚟的確好香。

酒店派來做示範的廚師，好年輕....只有廿四歲，青靚白淨“少鮮肉”，被幾十名師奶團友圍攻，無法招架，入廚十年，廚藝幾好，但面對幾十人示範，始終驚青。

花之戀酒店的向日葵花主題房間，全個房間都喺向日葵裝飾，天花、地毯、燈飾、牆紙..........，女生一定超like，全間酒店共有五款花種，其餘包括玫瑰花、薰衣草、鬱金香、櫻花、葵花貓動漫。

房間內有雀巢咖啡機，有兩杯免費，其後每杯￥5，價錢好合理！

晚上在酒店食自助餐，食物都好合意，主要以中、西、日式為主，以食慣自助餐的香港人來講並無，

葵花炸子雞...表皮同肉骨之間幾乎零脂肪。

但在進食其間，突然響起歌聲，原來喺餐廳員工，為顧客獻唱幾首耳熟能詳的金曲歌喉不錯，當然並非歌唱專業，但誠意可嘉，團友中有小朋友生日，酒店送上蛋糕，員工與團友合唱生日歌令人驚喜，氣氛熱烈，提一提...員工絕大部份喺廣州人，大家都以母語交流，較親切。

花之戀酒店晚上的繽紛夜色。

晚上酒店安排長15分鐘的＂6D激光動畫表演＂，以酒店建築主樓為幔幕，內容喺描述＂葵花貓歷險記＂，好多外國著名建築物亦有咁做，至出名喺華盛頓白宮。
完結後酒店再安排到＂會議展覽禮堂＂放電影，乜嘢電影...唔知，我太攰無去喇！

 
＂6D激光動畫表演＂葵花貓歷險記

回到房間，酒店已送上暖牛奶，燉雪耳芑子圓肉糖水，不太甜，很窩心，長者和兒童都啱，若有多一位住客(通常有父母和小朋友一齊住)可通知另一瓶的選擇，另外酒店房間配有小朋友細碼睡拖鞋，真喺無乜酒店有架。

升降機內

我住酒店唔少，以內地五星級酒店嚟講真喺達到以客為尊，上至經理下至廁所清潔、園圃呀姐，都會與客人都微笑問好說聲早晨，通常新建的酒店，硬件無問題，但員工服務的軟件，都喺唔掂，開多幾年後，連硬件都唔掂，就算國內的國際品牌五星級酒店亦未做到，有親切感受哩間酒店給我的印象好專業。

園內亦有舉行婚禮活動，聽講夏天每日都有住客在園內求婚...，
唔知點解中外小朋友好 like＂天使得得B ＂，哩到都有安排每天都有表演，唔喺A貨，酒店明言喺得到英國BBC授權的，我當然無睇喇。

酒店老闆都喜歡水晶擺設喎，由其喺法國水晶名牌Lalique，

哩個品牌名物，＂水晶魚，雙天鵝＂低調又高昂，大堂櫃位有三套....。

這六套水晶擺設價值36萬港元，但你唔覺咁貴。

全間酒店好嚴格，不准吸煙！ 

而且對於維護亦好重視，所以內外都設備清潔整齊，當然個別員工服務態度亦有改善空閒。

有咁優質服務，收費當然唔平，閒日出發兩日一夜成恵798