浮繁江南五天團... 蘇州

華東五天 開始啦...
由於係早上7點25分港龍航空第一班機(KA802)出發，所以我哋要預早三個鐘頭到機場，即係零晨四點半，就要到機場啦，非常之早，我屋企附近都冇通宵機場巴士，所以我選擇咗搭最後一班機鐵到機場，即係凌晨一點半我已經到咗機場。

從來未試過咁早到機場，原來凌晨機場係非常之寧靜，只係有一兩班飛機起飛開出去冲繩、迪拜。

我哋選擇咗去機場麥當勞坐下食下嘢，話咁快就已經到四點半集合時間，見到團友大部分都係耆英，全團友最年輕嘅就係我地。 

四點半機場Counter已經開始check in，港龍航空7點25分準時起飛去上海，航機起飛前45分鐘到閘口，一定要坐機場巴士接駁出去停機坪，同我哋同機嘅總共有五個旅行團。

航機準時出發，

機上的早餐食物非常一般，只係得幾粒點心，從來未試過咁"流"嘅飛機餐， 但係 回程餐食又非常之正常。

 飛機準時十點55分 就到達上海浦東國際機場

出閘非常之順利，十一點半已經全部過曬海關，出曬閘口，導遊小慧已經喺閘口等我哋， 簡單介紹過之後立即上旅遊巴直去蘇州

 雖然小慧話咻休息站畀我哋食少少嘢當午餐，但係司機行錯路冇經小路就直接上咗高速，所以我哋冇食到午餐，只食咗少少自己帶嘅餅仔，反正都唔肚餓，用高速公路，兩個小時就到咗蘇州。

 下午兩點半到達蘇州，另外有一位導遊叫做小玲，我要一提導遊小惠及小玲都係操流利廣東話，所以溝通絕對冇問題。

小玲簡單介紹今日我哋第一個參觀嘅，金雞湖風景區，呢度就係 金雞百花獎藝術館地標，所在地附近就係超級豪宅，亦係新發展區逛咗一個圈，食咗少少嘢

 呢個就係金雞百花電影獎嘅舉行殿堂，金雞湖藝術館，
亦喺北京鳥巢--瑞士設計師Herzog & de Meuron Architekten，BSA/SIA/ETH (HdeM)，所建造。

跟住就係去到著名美籍建築師貝聿銘設計嘅蘇州博物館，
呢個博物館我係之前冇去過，博物館隔離嘅就係忠王府同埋拙政園。
今次我哋個團只係參觀蘇州博物館及 太平天國李自成嘅忠王府，
反正我之前都參觀過 拙政園 。

直接開始參觀 蘇州博物館

哩度喺貝聿銘退休前最後的設計項目，貝聿銘喺蘇州人，對項目好有感情。
蘇州政府用咗幾億元人民幣建造的蘇州博物館，原址就係太平天國李自成忠王府遺址

蘇州博物館唔係只展示舊嘅物品，主要係搜羅全球藝術品，
放喺度展出其中最多嘅呢就係現代藝術，

日本現代竹藝術品

設計方向喺，現代對比形式建築配合風水陰陽五行 ，再以蘇州亭園形式，亦係以貝聿銘最喜愛嘅植物竹為主題。

蘇州博物館後面嘅就係太平天國李自成忠王府，因太殘破呢度為咗翻新，用咗唔少時間。

 太平天國未能成功革命，後人在國字上減少一點。

行逛老街食檔，但 當地導遊話啲食物非常之污糟，而且來歷不明 叫團友千祈唔好嘗試，生果亦係加咗料做咩大家都冇上次只係 參觀一下 今日行程完畢喇

因為天氣關係，江南嘅桂花剛剛先至盛開，滿室滿街全部都係桂花幽幽香氣...
我只可以帶到相片給大家分享，但香味帶不了回來