哈哈...近嚟工作繁忙，有幾個禮拜無上載
上回提要...參觀完..俄羅斯二戰勝利紀念館(Zentralmuseum des Großen Vaterlän)
當然去食下lunch先，今餐又去食俄羅斯菜...我地到咗一個屋苑下面一間餐廳，好平民呀，唔會俾人話離地喇，體驗下民眾生活，
嘻嘻....平價團喺咁呀！！
今餐食乜...大家見到喺平常莫斯科人里至食嘅薯仔沙律配麵包
菜湯...加意粉，配麵包仲唔飽
炸雞、炸豬配薯仔，味道都唔錯
重點喺哩款甜點配咖啡，甜品喺...杏仁酥餅，香酥脆鬆...唔太甜，
睇唔出咁好味。
今餐平靚正，睇下團友無投訴呀，
食飽飽...起身走人....出發去重之重景點......克里姆林宮
團體參觀..克里姆林宮喺要預先安排，以便控制人數，參觀分上、下午兩段，而下午至佳，因為若早上時段9~12參觀，一定要九點前到克里姆林宮，而下午參觀，二點前到就可以，唔使晨早無早麻。
克里姆林宮要另外由指定導遊帶隊，再安排由團隊通道入內安檢，
所有背囊、大袋都不能帶入內....
小插曲...由於人數太多，我被散客分開咗，令保安人員拒絕我由團體通道進入，導遊領隊又已通了過安檢，慶幸隔離團的靚俄妹導遊，認得我身上團章，向保安說項，令我順利通過...
於我地哩間呀四叔旅行社，太多團參觀(每日都有4團)，所以旅行社要自行分配好時間，我地被安排喺莫斯科參觀最後一日。
穿過護城河橋，就正式進入克里姆林宮，好多遊客自拍，我都唔執輸。
我地都算快，排咗半個鐘入到去，聽講上午時段閒閒地要個幾鐘。
大砲後面喺軍械庫，我地唔會參觀，由於無乜嘢睇(網友睇過都話中伏)，無為嘥時間，因為參觀時間只有三個鐘(14:00~17:00)
再小心提醒團友不要在克里姆林宮內亂逛，否則可能會被軍警拘捕，
我見有遊人行咗落行車路，即被吹"雞"警告！
行人路上擺放拿破崙戰敗時，遺留下的多門大砲，又要哂下嘢....！
辦公大樓上的俄羅斯雙頭鷹徽章
當年俄羅斯鑄造世界最大的巨炮，但從來無發射過，真哂料！
克里姆林宮內教堂的大銅鐘，
喺當年火災時，由於用大量冷水灌救，金屬冷縮熱脹，令大銅鐘爆開一大塊，奇景。
稍後參觀聖三一教堂，詳細介紹
