學成“咖啡調製員”證書課程

我之前上咗職訓學院“咖啡調製員”證書課程，

喺7個星期全日制課程，話咁快完成，成功通過考試評核，

現在喺正式擁有“咖啡調製員”資歷

教我咖啡製作班嘅...Miss Chan，感謝佢用心教導

上堂第一日，Miss已明言，

計算下香港開舖至少120萬，仲好辛苦，只賺微利，

除非好有錢，唔好諗自己開咖啡店，亦唔諗住同人夾份，爭拗多，

佢見過唔少，八九成都失敗多收場....

下面喺上堂過程

 虹吸壺，日式咖啡屋較流行的做法

手動研磨咖啡豆

手冲精品咖啡，真正嚐到昂貴 牙買加“藍山一號” 要＄330/100g，

初學品味..果酸較重

Cappuccino  

初學 latte Art 拉花，失禮哂

Espresso  

學習到嘅品味咖啡、咖啡豆分析知識，

製作技巧，咖啡店實務，獲益良多..

而由其使用半自動機，而家嘅中信集團嘅麥當勞的Mc Cafe 、
華潤集團嘅Pacific Coffee

就喺使用製作方式，

令咖啡調製員較難，

要掌握一定技術及辛苦呀

課程就喺學習哩方面。

而美心集團嘅 Starbucks Coffee 
就已全部轉用自動咖啡機，按個掣搞掂，由磨豆冲煮，全由機器做哂，

最緊要出品快，咖啡調製員無咁辛苦，但佢地只聘用後生仔女咋！

實務考核各款式咖啡

完成課程真喺發覺，做一杯咖啡並非易容嘅事。

現時流行，立體拉花好靚，杯拉花。

所以好多人以為咖啡拉花好難，

用嚟評價調製員功力，大錯特錯

而家市面流行，手冲精品咖啡就最難掌握，我學咗最耐就喺哩個環節，

咖啡師資歷深厚，喺高手中高手才能掌握，品味個中秘訣，

由選豆、研磨、水溫、手法、沖煮時間、淬取份量..

一定要準確，先可得最高淬取得嚟咖啡，唔會浪費優質昂貴嘅咖啡豆。
最近陳豪喺海港城，開咗間限時咖師店，就喺用哩個。

PS:其實要讚下麥當勞的Mc Cafe，人工唔高，但都肯俾機會年紀大嘅人入
咖啡調製員哩行，仲有入職後培訓，3個月後通過考核，
人工調升到同其他兩間連鎖店差唔多，我有幾個同學入咗去，
而家已正式成為咖啡調製員，同學工作時被客人歧視年紀大，唔知得唔得
所以喺Mc Cafe唔好見年紀大嘅員工，再質疑佢地呀！

新買咗部意大利 Bialetti 三合一咖啡機

新買咗部意大利 Bialetti 

三合一咖啡機可以
配用膠囊、咖啡包、咖啡粉...

本想買部較專業半自動機，
真喺蝸居無法放設得到，
退而求其次！

.莫斯科地鐵，窮人宮殿.. 鐵幕紅塲闊無彊 (跟團去旅行)

參觀完畢...“蘇聯經濟成就博覽會"，食完晚餐，都晚上七點幾，
哈哈....睇上面張相唔似呢！
就前往“莫斯科”重中之重景點，舉世著名嘅莫斯科地鐵站，

導遊Paul介紹...
這些地鐵站之所以會如此壯觀華麗，實可追溯回1935年，
但哩個計劃要到二戰後，50年代先可以完成
蘇聯的一項要價值不斐的計畫項目。

在這個計畫項目裡，蘇聯將許多地鐵站建造得萬分華美，
為的便是要對外面的世界營造出蘇聯繁盛、富裕的一面..
我話...講到尾主要都喺向西方國家曬嘢。




我地喺由...“共青團站”進入，
導遊Paul 及領隊Billy入站前先提示.....


由於莫斯科地鐵太大，而且乘客太多，
我地45名團友又多，要分導遊、領隊兩批人帶領，
因為一共要參觀四個地鐵站，中途要轉車，防走失秘訣，
若走失就喺下站月台，上列車位置等，唔好亂走，導遊Paul 會搵番。

先通過安檢，就可以入站，又見入閘機，
導遊一早幫我地買咗票，分派後各人持票入閘，

似香港地鐵入閘系統...

由於喺過咗放工時（晚上7點幾）所以地鐵並未超爆，但乘客都唔少，出站嘅人超爆多...

睇下扶手電梯，那陡峭的程度……
然後在這樣的情境之下，你睇到有大步奔跑趕地鐵的俄羅斯人。
莫斯科扶手電梯禮貌同香港一樣，左行右企，盡管港鐵死都話無宣傳過，但約定俗成，無為拗、

睇到佢地飛馳而過的時候，心裡忍不住想，戰鬥民族！

果然是戰鬥民族！莫斯科內最長的扶手梯，據說就在勝利公園站，
網路上講踏上電扶梯到下來需要三分鐘。

其他的地鐵深度，踏上扶手梯也大概要兩分多鐘的時間才會下來……

我地哩條短好多，大約由地面落到月台分幾鐘

入到....共青團站地鐵車站Komsomolskaya
領隊數齊人，導遊Paul就介紹下站內

一共揀咗參觀四個地鐵站，分別喺哩個共青團站、新村莊站、白俄羅斯、最後酒店所在基輔站。

注意一下那個吊燈，有種古典卻粗曠的美麗。


Komsomolskaya共青團是蘇聯時代的重要政治團體

站內燈光...上白光下黃光，現場看起來光影效果很美。

壁畫內容各有不同，紅色十月革命事蹟，看的出來有很強的政治宣傳意義，

上列車了....乘客不多，大家可以參觀埋列車內籠裝置..
站內自由拍照及逛下15分鐘..導遊Paul經常提醒，小心財物...
自從喺法國巴黎搭地鐵，我團遇上小偷後，之後就加倍小心！！

 地面指示有英文說明

上車喇...導遊睇清楚團友上齊車未。

列車內裡裝配都好簇新，好乾淨。

導遊Paul都好緊張...

列車內有到站LED顯示，指示清楚。

全個莫斯科地鐵線以顏色分辧，我地喺坐棕色線路。

月台空調出口柵有前“蘇聯共黨團徽章”

到咗.....新村莊站Новослободская (編號5棕色線)
壁畫以強人高舉嬰孩，背景喺共產代表五角星鎌刀鐵追鎚，
強列帶出共產主義令俄羅斯國家新生命。

導遊介紹
這站有歐洲最美車站之稱的。
新村莊站的設計者是Alexey Dushkin，裝飾風格以彩色玻璃而著稱

摩登感十足的雙色方塊拼接地板，
淡黃色大理石廊柱，鑲嵌了五彩繽紛的玻璃花窗，
絢爛無比，彷彿地底的秘密花園。

嘩...上下兩張相片，可見不到30秒鐘分別，乘客量之多，好恐佈。
可以一提，莫斯科列車班次區間喺少於30秒..

月台路軌上蘇聯共產黨徽章

月台路軌上

車站名稱

嚟到...白俄羅斯站，睇裝飾就知喇！

該站的裝飾富有白俄羅斯風格，
天花板的浮雕也是以白俄羅斯的日常生活為主題。
2002年該站發生炸彈襲擊事件，現已修復。

天花拱頂，全部白色浮雕，鑲嵌彩色馬賽克畫，非常突出主題。

晚上八點幾，過咗放工時間，乘客大減。

雲石基座下安置有坐位，方便有需要乘客

有很多對讚頌工農，女性撐起半邊天或者快樂生活的壁畫。

月台雲石浮雕柱裝璜，真喺似酒店大堂

月台車站設施內好整潔簇新，相信經常修護，
先可維持近七十年的地鐵線。

月台拱頂亦有華麗浮雕裝飾。

月台上又有通道，確喺哩度特式。

乘客亦好有紀律秩序，唔會爭先恐後。

 有無留意莫斯科地鐵列車同香港最大分別，
就喺車頂上喺“無集電弓”架，
電力喺由路軌轉輸

嚟到最後的....基輔車站

的內部裝飾是由通過在烏克蘭舉辦的公開競標來決定的，

月台有列寧的肖像畫。

同樣是畫框壁畫，但是基輔站的只是平面繪圖。

全站內壁畫以馬賽克紋樣也是畫出來的，並非真喺併砌畫。

壁畫框則真的是雕刻仔細華美。

全個站內裝飾濃厚加上大吊燈華麗。
最後有感到....導遊Paul哩句，
俄羅斯人喻莫斯科地鐵站為....窮人宮殿，真喺無錯

短短一個鐘未能走哂12個站，但睇完哩4個站，先可知其震撼性，站內古典風裝璜最突出，內容主要喺宣傳“社會主義制度優越”，國家美好...當年！

而之後建成的地鐵站無再用上咁濃重建築風格，不竟成本行先！

最後由基輔站離開，我地入住的酒店就喺附近。

團友可步行五分鐘，就可以返酒店


九點幾啫
我當然去地鐵站出口的商場，超市逛下買下手信喇！

PS:奇妙電視..韓劇....“花都情緣”...靚人靚景超正，全劇法國實拍，描述跟團喜樂，我睇到好有回憶，雖然3月1日大結局，大家可以網上重溫。

據聞有三套韓劇會參展“歐洲電視劇”，喺韓劇第一次呀，

之後亦會在法國電視台播影，除哩套之外，

另兩套喺“解碼追兇”、“W兩個世界”我都喺有睇...好正，

有興趣可以睇下