離開..杭州...就上高速公路，直前往上海近郊一個水鄉 ... 朱家角，朱家角位於上海市青浦區，距離上海市只有一個鐘車程。
我地冇塞車都需要兩個半三個小時才到朱家角
而導遊小慧妹強調咗好多次，哩度喺近年人熱景點，
被評選為「中國最值得外國人到訪的五十個地方」
由於到訪時係週日，所以非常之多遊客來參觀遊玩，遊客之中主要都係上海人，由於人太多，所以有不少穿着“黃背心”義工來幫忙維持秩序，
在入口不遠處有當地傳統食品出售，好似幾好味喎，但導遊小慧妹又有指定溫馨提示，食物可能有衛生問題，不吃為佳。
好有名的“呀婆粽子”，
真喺有呀婆包緊粽子，即包即蒸，好新鮮，4蚊人仔一隻，好平...不少團友亦有幫襯，話好味喎。
仲有係一大盤鹵水豬肉，用粽葉包住烹煮，香氣四溢，令人垂涎欲滴。
朱家角鎮主要美食特產
有醬油蝦、炒螺螄、鰟鮍魚、粽子、糖藕、清蒸白水魚、拉絲、熏青豆、燒賣、生煎、扎蹄、扎肉、青角薄稻米、牛踏扁青豆、鱸魚、清水大閘蟹、河蝦、鰻鱺、銀魚、塘鱧魚、醃菜莧等。
入到“朱家角”見到運河兩旁樹影婆娑，民居起落，河上船伕搖着小木船接載遊客，穿梭河道。
依家內地人喺假日，郡喜歡到郊外逛逛，所以哩度熱鬧氣氛唔錯。
景點管理當局為方便遊客，有發售“旅遊全套票”，
包括參觀“朱家角”法定古宅古蹟，仲包埋遊覽船上觀光，非常方便，大概價錢都係七十幾蚊人民幣。
單獨購買一張古宅入場票，當然係好貴啦 ，要廿蚊人仔。
鎮內亦有不少古蹟，有啲係百年歷史大宅，係旅遊套票包埋導賞團，如果有時間都可以買哩個觀光套票。
時間關係，我哋當然係冇坐小艇仔遊運河 。
導遊小慧妹提到當年(2002年)，無線電視一套“情牽百子櫃”電視劇就喺朱家角做外景場地之一。
已經喺十多年前嘅事，主角：佘詩曼、郭晉安
我有睇過哩套劇，但我都唔完全唔記得咗套劇集有喺度拍攝， 只記得喺有上海外景...。
據聞無線電視原本係想喺水鄉烏鎮拍攝外景，但由於對方開價太貴，所以就放棄咗，朱家鎮得知，聯絡無線電視，可以完全免費提供拍攝場地，水到渠成，劇集喺內地播出，朱家角立即“火紅”
我地只有遊逛朱家角一小部分， 而另外一部分就係喺大運河嘅對面 。
小運河區嗰兩邊有不少石橋，
連接運河兩岸的係方便居民，
但係由於太多遊客，每條橋而家都塞滿哂人，想拍照都有難度！
九峰橋(上)
除咗少部份民居府宅係列為法定古蹟，不能清拆或者改變用途之外，整個“朱家角水鄉”都係朝著旅遊商業區發展非常之興旺，大部分都係售賣旅遊紀念品、飯店、咖啡店。
我相信小運河區舊建築的店舖都好大改變 ，不少民居已經被完全商業收購， 鋪頭變成咖啡店、餐館、小食店， 以滿足大量到訪嘅遊客需要。
蕎麥酥亦喺當地傳統小先
古建築活化成食肆
部份活化成悠閒咖啡店
整理後的小巷內，亦開有不少咖啡店，時代進步，世界飲食潮流文化亦往小區裡，形成有自家特色。
而家潮流興文創， 所以呢度有有唔少嘅青年人喺度搞文化創作，包括係陶瓷手工飾物 ，仲有好多文程喺度搞嗰啲咖啡室 ，令到呢度可以有舊區重新。
咁當然係要有人流先至可以能夠繼續經營啦，所以當地政府大力推廣宣傳 ....水鄉之都，搞好個舊區同埋呢個文創新區，好似上海“新天地”咁成功。
遊人悠閒在運河旁的咖啡店.......嘆咖啡
對岸是朱家角地標之一關王廟
其實今次知行咗舊嗰一小部分，人用咗一個鐘頭，要行埋另一邊相信時間更加多時間，朱家角水鄉仲有唔少景點， 如果大家有興趣，可以嚟呢度遊逛， 不過都千祈唔好星期日及假日，實在太多遊人。
遊逛完後就前住今次華東之旅程的最後一站......上海。
