2018年11月24日 星期六

浮繁江南 華東五天團....杭州 西子湖

離開..無錫...就上高速公路直前往杭州,
依家內地高速公路相連各大城市,快速超方便呀。
冇塞車都需要兩個半三個小時,
中間停一個休息站就係嘉興呢個休息站非常之大
我哋相當熟悉嘅麥當當、星巴克、同埋好多上海杭州嘅 著名 食品 “五芳齋”.....






想買 星巴克 杯咖啡 嚟試下 價錢同香港一樣,不過係用人民幣標價,但遇到一個非常之麻煩嘅問題,就係付款。


大家都知依家內地幾乎全部使用 網上付款 
alipay 同埋wechat pay ,對於我哋呢啲唔係大陸居民,無法開通大陸支付寶,相當麻煩

 因為我哋係用現金支付,但係人哋就係冇咁多現金找續,搞咗好耐,佢地四處張羅現金 , 服務態度真係好,終於由導遊暫代付款。


嚟到杭州了
但係由於今日係星期六,杭州西湖附近,所有交通要道都係禁止旅遊大巴進入,
等到下晝五點先至可以使入去西湖,原可在附近放低我哋,行入去,但由於我哋嘅旅行團太多長者,要佢哋行一個鐘頭,太辛苦喇。
唯有西湖外圍稍為等一等
導遊安排我哋用咗空檔時間去參觀咗附近一個景點......
 盛開桂花



龍洞(世界文化遺產)
冇乜特別都係寺廟一間有少少市集嘅嘢

哩度主龍洞行徑,
見有好多行山人士,亦有行山徑指示, 而家市民都好喜歡健行, 鼓勵綠色活動,的確係一件好事...
導遊在山上可飽覽西湖景色









領隊導遊時間差不多五點,咁我哋就上車前 
今次參觀嘅 西湖十景之一西湖十景之一曲院風荷 
其實我之前都,但完全冇印象 ,可能年代久遠。
我哋一路行入去,於距離公園關閉仲有兩個多鐘頭,
所以好多有人已經逆方向離開,一團一團大少約有幾千人,可想而知幾。

但係今次見到嘅係所有配套非常之齊
全包括指示牌同埋入門口嘅牌面。



現在難得清靜 ,可以慢慢欣賞.....荷塘景色,
而且可以欣賞夕陽餘暉,影相亦不見人頭。



由於已經過咗荷花盛開嘅季節
所以開始有啲轉黃,荷花已徟謝,導遊小慧話如果早一個月前來
湖面荷花盛,靚好多。

大家冇留意荷花同蓮花有乜分別其實非常之簡單導遊小慧荷花生長係距離水面差唔多2,而蓮花係貼近水面生長

 留到杭州有好多外國留學生,
喺西湖景區都見唔少形單影隻外國靚女...

而另一感覺到四周圍都好整潔,而且小路石面經到刻意佈置,

無障礙通道行走方便,不會令長者舉步維艱。
然喺世界景區,國家四星旅景區




福井園....中、日友好公園...杭州與日本福井縣


友好公園 休閒

沿荷塘四圍逛下, 黃昏非常慢慢悠閒欣賞沿途風景 雖然 唔會好似啲數人默默咁 吟詩作對




享受園西湖美景風光 , 
其餘景色留待下次欣賞

逛了個多小時,我地便離開西湖,
前往今晚入住五星級酒店


酒店位於杭州市郊新建的龍湖新,由西湖前往車程要45分鐘,其實距離杭州市中心都幾遠,今晚的晚餐喺自費架,所以小慧妹在車上以提供搵食情報。

 酒店附近喺一個較高檔的商圈,有三座五星級酒店包括我地入住Crowne Plaza Hotel , Hoilten Double tree,及多個高尚住宅小區,及一個大型商場“龍湖時代廣場”,而且有地鐵站連接杭州市


“龍湖時代廣場”商場,有好多嘢食包括有華潤萬家超市食完再逛下超市真係正我哋就係對面嘅商場逛一逛,由於我係用咗“中國漫遊流動數據再上網再睇一睇
今次想食一啲比較傳統嘅食物 阿媽見到一間“小楊生煎”連鎖店..專食生煎包,就入去試下佢哋蟹粉生煎包

一個套餐只係33蚊人民幣
包括埋魚丸湯和四蟹粉生煎包
內裡蟹粉超多,濃湯好惹味。
 
魚丸湯味道就一般喇


仲有就係另一個套餐
 老火湯 和 共六個普通嘅豬肉生煎包同埋白菜生煎包
非常之好味,都喺¥29蚊人仔
真係又平又好食
溫馨提示..生煎包超多湯汁架,食嘅時候先咬少少飲咗內裡高溫湯汁,
如果大啖直咬一定爆汁....被高溫湯汁




 食完之後再試一間連鎖店係食雲南過橋米線

初初都唔知點叫見跟張枱就係依樣畫葫蘆焦,
我點嗰個係雞肉 酸辣過橋米線啫,
只係26蚊人仔非常之抵


酸辣過橋米線都非常之唔錯,裏面嘅配料非常之充足, 另外再有角色配料包金菇雞肉酸菜,個陶瓷碢酸辣湯非常之滾熱,加咗啲米線直情好似爆炸咁, 都幾好味,




唔似其他店啲落咗好多味精,係真材實料 

全部計曬只係食咗100蚊人民幣非常之抵食, 
導遊小慧佢哋講,如果依個唔係喺大商場裏面食,
外面只係一半價錢, 食飽飽返酒店

酒店就喺商場嘅對面 係全個旅程之中最好嘅酒店
Hoilday Inn集團嘅Crowne plaza係2018年6月全新開業 


五星級酒店裏面裝簧在等待登記入住大堂經理原來喺廣州人,
佢用親切“廣府話”同我地閒今次旅程介紹下酒店設備,
員工服務態度非常之友善細心又勤快。


房間設備齊全簇新今晚可以嘆下啦 
可惜喺度住一晚第二朝我哋就會前往上海

今次真喺有啲驚喜,因為我太太喺哩兩日....生日
導遊小慧妹及領隊準備咗一個小小生日蛋糕
送俾我太太,真喺窩心,物輕情意重.....多謝

同團另一位耆英亦喺哩兩日生日,
有收到導遊小慧妹及領隊生日蛋糕

敬業樂業,非常有心多謝佢地!!
知道領隊哥哥下個月(12月)升職,將會轉帶澳、紐團,祝佢步步高升!

25 則留言:

  1. 這個生日蛋糕真是超美! 令人垂涎欲滴。
    不知是哪間旅行社?

    回覆刪除
    回覆
    1. 導遊領隊都要佢哋有心先得,
      去睇每一張回鄉卡 知道團友嘅出生日期,其實我呢啲咁平價旅行團領隊導遊收入唔會好多,可以唔使做咁多嘢 ,旅行社就係靠依啲 員工行多,旅行社形像大改,你賣幾多廣告都冇用。
      個鮮果忌廉蛋糕係當地一間著名連鎖店,出品味道唔錯
      四叔嗰間 美麗華旅行社

      刪除
    2. 當然,都係帶隊的人員私人醒嘅,都係要認為值得送至會送架啦!
      曾經在旅行時,聽過有個阿嬸高聲說:“美麗華唔好架,連我哋啲行李都唔見埋!”其實唔見行李應該係關航空公司事,點怪得旅行社呢!
      邊個四叔呀? 係咪姓黃架? 康泰個老闆唔係四叔咩?
      我見過有啲旅客欺導遊,終於女領隊和女導遊為女團友加餸平息。

      刪除
    3. 四叔係李兆基 恆基兆業
      個仔係李嘉誠,佢新抱係徐子淇
      美麗華係十年前,由四叔收購咗,交俾佢個仔管理。 其實導遊領隊要好有經驗先可以帶到團,除咗服務團友,仲要管理得好團友嘅態度。

      刪除
    4. 原來四叔係李兆基,佢個仔又叫做李家誠。徐子淇係千億新抱,負責生仔。
      聽說李嘉誠隨父母來港後,捱過好多苦! 長子被賊王綁架,不惜鉅資贖回,說不會報警,並教賊王買他的股票。

      刪除
  2. 小楊生煎勁吸引, 領隊導遊好識做

    回覆刪除
    回覆
    1. 其實網友講得冇錯,見食肆門口排大隊呢呢間食肆都唔差得去邊,果然平靚正好正
      佢地真係好識做,其實我呢啲咁平價旅行團領隊導遊收入唔會好多,可以唔使做咁多嘢 ,旅行社就係靠依啲 員工行多,旅行社形像大改,你賣幾多廣告都冇用。

      刪除
  3. 個領隊好識做^_^食物價錢都吾貴呀,但原來已經貴左左一半,alipay 同埋wechat pay 我們香港真落後,聽聞大陸有些地方在街截吾到的士,因為要用apps叫車及用wechat pay>_<

    回覆刪除
    回覆
    1. 佢地真係好識做,其實我呢啲咁平價旅行團領隊導遊收入唔會好多,可以唔使做咁多嘢 ,旅行社就係靠依啲員工。
      以香港嘅物嘅物價嚟講,我都覺得係唔貴,即係香港咁啫,你去大商場食嘢梗係貴啲啦,去喲街坊小店呀,梗係平好多啦。
      係呀...
      佢哋流行網上付款,但香港人就唔係咁習慣,香港近日已經開始使用,轉數快, 都幾方便,我專登開咗 wechat pay Hong Kong,如果係大陸搭的士可以用得上, 但最後尾都冇用到。

      刪除
  4. alipay, wechat pay我估因為私隱原因歐洲唔會流行.

    回覆刪除
    回覆
    1. 私隱原因歐洲唔會流行
      都可能有關係架...
      支付寶、銀聯、係俾大陸人用啫, 歐洲人有好多網上畀錢嘅渠道,我記得好多店鋪都已經可以使用,方便大陸人畀錢買嘢。

      刪除
  5. 會搞到用現金俾唔到錢有啲奇怪 :P

    回覆刪除
    回覆
    1. 原因係佢哋好少現金交易
      我俾一百蚊佢地
      店內唔夠碎銀找續
      店員都好努力去隔離舖奐錢
      但係我要趕住走,所以導遊用支付寶代畀錢

      刪除
  6. 我好耐都無返大陸旅行. epay 支付寶我都無....

    回覆刪除
    回覆
    1. 咁有機會安排下去返內地體驗下,
      香港支付寶...只可以喺香港本地用架,內地用唔到。

      刪除
  7. “嘉興"休息站just like a shopping mall.
    I like 小楊生煎. Very delicious and juicy bao.

    回覆刪除
    回覆
    1. 內地加油站非常之齊備先進
      仲有好多嘅美食
      但通常只有跟團先去的加油站
      嗰間生煎包雖然連鎖店
      但係都做得幾好味

      刪除
  8. 如果有啲自動沖值類似八達通的消費卡會比較方便遊客:P
    西湖真係百去不厭,風景怡人....
    果然有得升職是有原因,最緊要係有心^^

    回覆刪除
    回覆
    1. 方便遊客梗係好啦
      大陸乜都係實名制
      所以開通大陸支付寶卡唔係咁易
      所以好多地方有 銀聯信用卡 我都用信用卡
      西湖景色幾歲睇得咁靚

      刪除
  9. 領隊好貼心呀!加分呀呢個旅行!!

    回覆刪除
    回覆
    1. 係呀
      領隊導遊 非常之細心
      太太就開心

      刪除
    2. 如果領隊好~團友又好玩...呢個旅行我會記一世~
      就好似我之前跟團去西班牙..我到依家都記得!真係好好玩~

      刪除
    3. 妳又啱....
      團友啱傾,好多時可以做朋友!
      旅程好值得回味

      刪除
  10. 西湖景好似唔同咗 , 其他地方變得好現代化 .

    回覆刪除
    回覆
    1. 西湖規範咗,清潔整齊,景色就變化唔喺好大,
      時代進步,內地都先進

      刪除

多謝到訪路覇blog!請留言分享