繼續瑞士之旅，離開采爾馬特回酒店，第二天早上前往洛加伯特(Leukerbad)，它是著名深山溫泉地。從洛伊克(Leuk)出發，乘汽車約30分鐘便可抵達。車程全部是沿迂迴曲折的山路而上，車外全是白濛濛的雪景，路過的小村全是舖滿厚厚的積雪。
車程全部是沿迂迴曲折的山路而上
名人如哥德、莫比桑及大仲馬等都遊訪過這裏，洛加伯特共有22個室內、外溫泉浴池，是阿爾卑斯山最大的高山浴場中心。非酒店住客也可去的公共溫泉浴池有「布爾格巴德溫泉中心」(Burgerbad)和新建的「阿爾卑斯溫泉中心」(Alpentherme)，今次專程來到當然不會錯過這難得的經驗啦，旅行社安排了到「布爾格巴德溫泉中心」(Burgerbad)。
「布爾格巴德溫泉中心」(Burgerbad)。
網友們若有看過我之前介紹歐洲溫泉都了解，這種溫泉中心其實類似香港的暖水泳池模樣，它的性質是地熱溫泉，含豐富礦物質，而不日本火出溫泉，所以無一股濃烈的氣味。溫泉必須穿泳衣入內，內裡亦有泳衣出售，溫泉的衣物儲存櫃是一個個鐵籠，與香港早年的泳池相近，像時光倒流回到從前，內裡亦無毛巾供應，醒目的我們已一早取了酒店的毛巾來，否則都不知如何是好！
泉水溫度不高大約40℃左右，暖水泳池般不太熱，但遇上冷空氣都形成一團白霧。
一個大小不一的有室外和室內溫泉任君選擇，泉水溫度不高大約40℃左右，暖水泳池般不太熱，我當然享用戶外的溫泉，當時正值下雪，頭殼頂好凍，身下暖粒粒好舒服，回憶起在北海道 地獄谷溫泉情況相近，都是下大雪浸著露天風呂，當然北海道 的感覺好好多，起碼無這麽多人擠在一起，可以靜靜的享受。
溫泉旁邊就是瑞士木構形式的酒店
瑞士的美麗雪景，在洛加伯特Leukerbad四週圍都可見到。
資料來源——瑞士旅遊局
路霸
周圍白濛濛的好美~樹面鋪左白雪好靚~
回覆刪除周圍咁凍得40度水怕唔怕唔夠熱呀~
瑞士雪景真喺好靚，大雪紛飛...好有聖誕feel，
刪除唔喺好熱，就喺暖水泳池感覺！
個度應該都無溫泉蛋賣 ^^
回覆刪除無溫泉蛋，但有烤焙栗子！
刪除下個post有介紹
頭殼頂好凍》》哈哈哈，我冬天去浸嘅時候都係咁諗，其實我會覺得啲水唔夠熱囉，不過佢哋話咁樣嘅溫度健康過日本嗰啲喎
回覆刪除原來喺咁，明白哂！
刪除但又喺啱，人體溫都喺38℃
日本溫泉我都覺太高溫。
我睇過其中一個溫泉嘅介紹，話如果水太熱，會令一個人心臟負荷唔到，出現心臟病同休克，通常我哋啲溫泉會有唔同池，有唔同水溫，較為高溫嗰啲，會有告示，叫人如果開始覺得熱，就唔好勉強。。。
刪除咁又喺...安全至上，每個人體質唔同，
刪除浸溫泉都喺為咗身體好，真喺無為勉強！
北海道溫泉選擇多頗不錯！
回覆刪除喺北海道浸溫泉氣氛好好！
刪除正喎一路浸一路睇雪景^^
回覆刪除其實環境氣氛幾好，但池入面太多人，啲水又凍凍地，
刪除瑞士人唔怕凍！佢地真喺覺得哩個溫度ok！