洛加伯特(Leukerbad)的寒冬加上厚厚積雪的木屋好有聖誕節感覺
在洛加伯特(Leukerbad)泡一泡溫泉，可以解除一天的疲勞，簡直是無比的享受，來到了古代旅行者通行的蓋米山嶺。美麗的山上湖泊周圍是夏季的郊遊，亦是冬季的越野滑雪和冬季徒步旅行的絕佳路線，我們時間有限當然無法一一嘗試那些活動啦。
這張相片我曾用來作聖誕咭，網友們有無印象呢。
嘩！室外只有零下三度， 但浸完溫泉後，全身熱乎乎，全無寒意，好舒服！在百無聊賴下四處閒逛，深山的小鎮不像采爾馬特有這麼多商舖，最多是溫泉渡假村式酒店，遊客大多是一家大小來浸溫泉和滑雪渡假，試想滑了一整天雪，再浸入那近乎人體溫度的礦物泉水，全身血液奔馳倦氣全消，感覺一定舒暢。
遊客大多是一家大小來浸溫泉和滑雪渡假
深山的小鎮不像采爾馬特有這麼多商舖
最多是溫泉渡假村式酒店
閒逛之間突然漂來一陣熟悉的香味，一時又記不起，意隨味走，來到一個小食攤檔，哦！謎團終於解開，原來是焗栗子，正呀！二話不說立刻買了一包細意品嘗，寒冬吃著熱辣辣的栗子，飽肚之餘全身暖粒粒，不知怎的，浸完溫泉特別好想吃東西，今天好滿足呀！在歐洲浸泉都是首次，我個人覺得寒冬由其是下雪在戶外浸溫泉是最棒的，今次的經驗非常難忘呀！
見到焗栗子的小攤檔，二話不說立刻買了一包細意品嘗，寒冬吃著熱辣辣的栗子，飽肚之餘全身暖粒粒。
資料來源——瑞士旅遊局
路霸
2017年重新上載的.......
瑞士精華遊.....
完結....謝謝！
我反而係呢度無食過焗栗子, 我嫌佢有D貴 XD
回覆刪除我記得喺貴，
刪除但咁啱行過咪買嚟試下呀！
厚厚積雪的木屋好有聖誕節感覺，好靚好靚，最喜歡厚厚白雪在屋頂，似奶油蛋糕^_^
回覆刪除喺咁啱影到哩幾張相，我都好喜歡，事後睇番真喺幾有聖誕feel！
刪除原來瑞士人也興焗栗子
回覆刪除歐洲好多地方都有焗栗子，如...意大利、西班牙。
刪除我都係鍾意糖炒栗子多啲，不過一場嚟到，試下無妨
回覆刪除糖炒味濃好多！
刪除貴咗少少，喺見到咪試下
係呀~之前去奧地利又係見有炒栗子賣~我先知原來歐洲都興食炒栗子~
回覆刪除好喇~講到最後~
我想祝你~新年快樂~你同你屋企人都身體健康~
笑容滿面~心想事成~一年好過一年~步步高昇~恭喜恭喜~
多謝...謝謝妳提早同我拜年！
刪除妳真喺好有心，
我祝妳身體健康、工作順利、升職加薪、周遊列國.....！