2009-06-15 16:57
正如我在網誌的介紹，參加旅行團只是旅遊其中一種大眾化形式，而行程少不免全是套餐式，往往一式一樣，參觀時間怱忙，走馬看花「趕鴨仔式」，這是一般人隴統的看法， 許多以旅遊為題的媒體網路「旅遊專家」思想中，往往以跟團是「低層次」，團遊的旅遊經歷亦都不值一提 在徵求交流旅遊經歴時，首先會查詢是否自由行，知道閣下是跟團旅人，大多將這些旅人歸納為另類，不屑一顧之流，不能容納於媒體及網路中。
有些網友會奇怪地問，跟團旅遊行程都是有專人安排，自己不需要打點，而行程全是那些大量遊客的旅遊熱點，有甚麽特別旅遊經歴可寫呢！
其實真是並無特別，個人認為旅遊只是自己興趣，而不是要與眾不同，亦不須要次次新鮮，有些地方可到訪過多次的，但是亦想再次重遊，只要大家自己喜歡就行，不論是自由行或跟團，大家在旅程所見的景物都是一模一樣，但在旅途中的所見所聞就每人都不同，經歴的感覺各異，寫出來就是讓大家分享流。
在「Yahoo Blog」年代內用跟團方式旅遊而寫網誌的網友多的是，但在傳媒網路間推介的少之又少，而且慣常給忽視，我亦不以為然，只是大家採取的旅遊方式不同，與旅遊樂趣並無相互衝突。
舉一個例為平舖直敍的行程中，只是自己都可以作出少少調節就可令行程加添色彩，記得剛巧有次同一時間兩位朋友跟另一旅行團亦在琉森，晚上相約他們在琉森河花橋，沿河漫步欣賞琉森的夜景，其後在河畔一間咖啡室聊聊天交流分享各自當日的旅程，這是隨時隨地可發生的約會。
相信自由行或跟團亦各自有不同遊歷的遇見，這亦是旅遊的樂趣呢，跟團並不如想象的不濟，亦無雖硬生生將旅遊的方式分優劣，只要視乎各位自己的。
路霸
無錯呀，旅行的方式不定一定是自由行，跟團亦可以，我以前都是跟攝影團到國內一些冷門的地方，河北的壩上秋色，冬天的絲路、中國的滿洲里冰等等，仍未開發景色真是一流，跟團的好處是有人安排不用自己煩，在他鄉遇到朋友真是好大驚喜，現在好多歐洲團都和以前吾同，可以單一玩一,兩個國家，這樣才可以深度了解這個地方的文化﹗
回覆刪除好靚嘅地方，自已去真喺有難度，我都想參加啲攝影團，
刪除原來唔喺一般旅行社有搞架，唔知妳喺邊度報？
而坊間較高級幾間旅行社，所以會有好多專業人士跟哩啲高貴團遊，唔使煩喇，
依家啲團以玩到好精，單一個國家深度遊。
香港專攪攝影團的兩間旅行社我都參家過，鍵泰旅遊、博覽行，不過我比較喜歡鍵泰多啲﹗
刪除咭該哂
刪除知道...我得閒去睇下！
同埋要視乎需要, 如果我同父母一齊去, 我都會寧願跟團, 始終老人家到外地, 未必習憤之餘, 都無咁有腳骨力 (其實我都係 XD)
回覆刪除認同呀！
刪除自由行老人家帶埋行李四圍跑好辛苦，跟團真喺較理想！
其實點樣去旅行又有咩所謂~我覺得最緊要自己開心~去得舒服~跟團真係咩都唔使煩~帶個人就出發~咁就已經係吸引力所在~同埋係blog寫d咩都係自己隨心~個網誌我地自己既~最緊要我地寫得開心~唔鐘意咪唔好黎睇囉~今年本來都打算跟個團同媽媽去旅行~不過時間唔岩~才作罷~
回覆刪除同意...旅行都喺自己開心啫，點玩自己話事
刪除好啱..寫blog就喺分享俾人睇，但網上世界乜人都有，四圍出嚟點火，鬧鬧
有無諗住去邊度？
妳同媽咪健壯自由行都得喎！
我通常係如果旅遊地點比較危險，就會想跟團，寧願睇少啲，都唔冒險
回覆刪除大家覺得超危險的伊拉克，香港亦有團去呀，佩服哩廿幾個團友
刪除個間旅行社話伊拉克政府規定旅客跟團。
跟團或自由行我也like架,有時放假只想放抵個腦在香港咪跟團囉,有人安排車呀,食呀,住呀,不用自己操心, 只需諗買野買野,睇野睇野,幾好呀. 自由行就可以按自己喜歡安排,各有各好啦.最緊要開心.
回覆刪除當然喇，各取所需....至緊要自己開心！！
刪除當然喇，各取所需....至緊要自己開心！！
回覆刪除